web counter
LEXO PA REKLAMA!

SHKARKO APP

App Store
Google Play

Manjani: Vjedhja në Bankën e Shqipërisë nuk po merret seriozisht

29 Korrik 2014, 09:11, Politikë CNA

Nënkryetari i Lëvizjes Socialiste për Integrim, Ylli Manjani, mendon se vjedhja në Bankën e Shqipërisë nuk po merret me shumë seriozitet.

Ai kërkon që në këtë rast të ketë ?prerje? kokash, ndërsa i bën thirrje prokurorisë të veprojë.

?Kjo nuk ka nevojë për reagime politike, ketë e ka në dorë prokuroria. Pa konkluzione është vështirë të ketë reagime. Në sistemin bankar është ngritur seriozisht çështja e sigurisë së parasë.

Edhe disa vite më parë një drejtor banke nga Bilishti bëri të njejtën gjë, tha i kam humbur në bixhoz dhe nuk ishte ashtu.

Ka një element përgjegjshmërie, nuk dihet kush është fajtor. Politika duhet të merret me sistemin, ajo ka detyrë të marrë shembullin e nevojshem, se ikën 80 milionë euro nga një tender për Albpetrolin.

Mirëpo po t?i mbledhësh, aq është borxhi që kemi marrë. 50 milionë i ka harxhuar qeveria e shkuar me histori vilash, 60 milionë na dolën nga rimbursimi i TVSH-së.

Këto miliona që dalin nga banka tregojnë se skema e sigurisë së parasë në Shqipëri është defektoze.

Kjo është çmenduri, kjo është papërgjegjshmëri. Këtu nuk hyn kompromisi politik, ajo duhet fajësuar por ne kemi krijuar institucione.

Pse nuk veprojnë, se kur flasim për ta, hidhen përpjetë, prokuroria dhe Banka e Shtetit për këtë punë paguhen dhe nuk paguhen keq.

Gjykatat këtë punë kanë. Unë jam kundër që gjithcka do vijë nga pushteti.

Pushteti nuk e lufton dot veten. Nuk e kemi shpikur ne këtë, shteti vjen për të qeverisur, janë institucionet që luftojnë krimin dhe mbyllin hapësirat legjislative.

Sot barra, jo vetëm në sistemin bankar, por e gjithë kësaj skeme papargjegjshëmërie, e humbjes së parasë me lehtësinë më të madhe, i takon prokurorisë. Nëse ajo nuk pret koka, kushdo qoftë ajo kokë. Për këtë histori mua nuk më intereson se kush jep dorëheqjen dhe kush rri në punë,? tha Manjani për Ora News.





Lajmet e fundit nga