E fundit!

14:29 Aktualitet

Sezoni turistik 2026/ Fluks vizitorësh, por sfidat mbeten

Plazhet shqiptare janë mbushur me vizitorë, ndërsa sezoni ...

Koço Kokëdhima mashtim publik, Pirro Dhima e nxjer "lakuriq". Ja postimet

28 Korrik 2014, 19:48, Politikë CNA

Nuk ka zgjatur shumë gëzimi i deputetit socialist, Koço Kokëdhima, se ia kishte ndryshuar mendjen deputetit grek të PASOK, Pirro Dhima, se harta e re territoriale në Shqipëri është e mirë.

Pirro Dhima shkruan në Facebook se harta e re është e papranueshme.

?Isha në Himarë këtë fundjavë dhe u takova me kryetarin e Bashkisë, Jorgo Goro dhe me deputetin shqiptar, Kokëdhima. Biseduam për ndarjen e re administrative dhe e bëra të qartë se nuk e gjejmë të përshtatshme. Theksova se për Epirin e Veriut, ajo është e papranueshme dhe kundër çdo koncepti të së drejtës ndërkombëtare,? shkruan Dhima në FB.

Linku ne fb i Pirro Dhimes https://www.facebook.com/DimasPyrrosA

Më herët deputeti Kokëdhima u shpreh se gjatë takimit mes tyre ishte arritur nje marrëveshje dhe sipas tij Dhima e ka cilësuar si pozitive ndarjen e re administrative.

Kokëdhima tha gjithashtu se ai i kishte komunikuar se këtë ndarje do ta diskutonte me palën greke.

Ja teksti i Koco Kokedhimes ne FB

Fotot që sapo postova u bënë gjatë takimit tim me deputetin e PASOK-ut në parlamentin grek, Piro Dhima. Piro Dhima është nga Himara. Takimi u zhvillua tek Hotel Valta në Qeparo dhe zgjati rreth 30 minuta. Në takim mori pjesë edhe Jorgo Goro, Kryetari aktual i Bashkisë së Himarës. Tema e takimit ishte reforma territoriale. I shpjegova Piros pikëpamjen e Qeverisë Shqiptare për bashkimin e Himarës me Vranishtin, çfarë përfiton Himara nga ky bashkim dhe çfarë ndryshon në territorin e saj, në përbërjen e popullsisë, në ekonomi, në strukturën dhe standartet e Bashkisë së re, etj. Gjithashtu i shpjegova se Dulja e Bollanua e kanë kundërshtuar këtë zgjerim të Himarës në drejtim të Vranishtit për interesa partiake e politike.
Piro më shpjegoi se ishte prej disa ditësh në Himarë, kishte ardhur me një ide negative për reformën, por pasi kish takuar njerëzit dhe kish folur me ta, kish krijuar një përshtypje krejtësisht tjetër. Ne ramë dakort që të bashkëpunojmë për reformën territoriale sepse kjo i shërben të ardhmes së Himarës. Ai më tha drejtpërdrejtë se plani juaj është i bukur dhe se do të flasë me autoritetet greke sapo të kthehet në Greqi. Gjithashtu ai e priti shumë mirë ftesën time drejt tij dhe të gjithë himarjotëve të suksesshëm nëpër botë, për të bashkëpunuar për një zhvillim të merituar të kësaj krahine të bukur e të lavdishme. Takimi u përshkua nga fryma e mirëkuptimit të plotë.