E fundit!

15:47 Aktualitet

“Klasa politike të ikë në shtëpi”/ Tare: Çështja është te bulevardi, Rama zhvendos vëmendjen

Studiuesi Auron Tare tha sot se ndërsa çështja kryesore ës...

Rama, të martën beteja me "rebelet"

27 Korrik 2014, 16:06, Politikë CNA

Kryeministri Edi Rama pritet të mbledhë Grupin Parlamentar socialist të martën me synimin për të sheshuar mosmarrëveshjet dhe hatërmbejtjet mes deputetëve të forcës politike që kryeson. Mbledhja e Grupit Parlamentar do të zhvillohet në orën 13:00, dy ditë përpara se Kuvendi të mblidhet në seancë plenare, e fundit e këtij sesioni parlamentar, ku do të votohen përvecc reformës territorial edhe ligji për funksionimin e KLD dhe reformën në drejtësi, miratimi i të cilave kërkon shumicë të cilësuar votash.

Kjo ndoshta mund të jetë një nga mbledhjet më të rëndësishme të Grupit Parlamentar të PS-së për shkak të qëndrimit të mbajtur javën e shkuar nga disa prej ligjvënësve socialistë të cilët nuk ishin të pranishëm në seancë plenare duke detyruar mazhorancën të shtyjë miratimin e ligjeve që kërkonin 3/5 e votave.

Rama pritet të kërkojë shpjegime për mungesën në votim për deputetët Tom Doshi, Pjerin Ndreu, Armando Prenga e Parid Cara. Mbledhja që pritet të zhvillohet me dyer të mbyllura, pritet të ketë përplasje të forta mes lidershipit të majtë.

Disa prej deputetëve që munguan të enjten në parlament i kanë shfaqur hapur pakënaqësitë për mënyrën se si po trajtohen nga kreu i mazhorancës. Deputeti Pjerin Ndreu në një reagim dy ditë më parë, shprehu hapur mendimin e tij se brenda koalicionit qeveritar ka diferencime sa i takon deputetëve, duke krijuar jo vetëm pakënaqësi personale por edhe elektorale.

Pritet të shihet qëndrimi që do të mbajë deputeti Tom Doshi, pas ?shakasë së ditëlindjes? me të cilën arsyetoi mungesën në votimin e së enjtes, si dhe të deputetëve Prenga e Cara, të cilët duket se do të veprojnë në të njëjtën mënyrë si kolegu i tyre socialist Doshi.