Pjerin Ndreu: Po “ulëras” për zonën time. Vemjet politike i fyejnë me zhargonin e shëmtuar “malokë’ dhe i përbuzin çdo dite..!

26 Korrik 2014, 08:04, Politikë CNA

Deputeti i PS, Pjerin Ndreu, ka komentuar mungesën e tij në Kuvend, duke thënë se të gjitha interpretimet për kulisa e politikë tavolinash janë dashakeqe.

?Jam i detyruar të prononcohem publikisht në lidhje me disa interpretime lakejsh dashakeqe për mospjesëmarrjen time të djeshme në votim:

1- Asnjëherë nuk e kam vënë në dyshim mbështetjen ndaj Edi Ramës dhe nuk do ta vë gjatë mandatit tim të deputetit. Por kam preferuar si pak kush t?ja them gjërat në sy e jo kulisave e tavolinave si shumë servilë e të pazotë që flasin dhe hedhin helm pas dhe e fërkojnë në sy. Unë nuk jam e s?kam për të bërë pjesë në këtë llum asnjëherë !

2- Në jetën time nuk kam shantazhuar e as vënë kushte askujt. Dje askush nuk ka dëgjuar nga unë kushte për poste, për para apo privilegje. Kam kërkuar vetëm vëmendjen e duhur ndaj zonës sime elektorale si ndër më të varfrat, më të lënat pas dore dhe më pak të trajtuara gjatë kësaj kohe. Në asnjë rast gjatë kohës time në PS nuk kam kërkuar asnjëherë asgjë të vetme as për vete e as për familjen time, kurrë. Por për zonën time elektorale s?më ndalon njeri të ?ulëras? kur disa vemje politike i fyejnë me zhargonin e shëmtuar ?malokë? dhe i përbuzin çdo dite..!

3- Ka shumë njerëz që s?më duan, janë xheloz, janë intrigante, por ky nuk është problemi im! Unë jam ky që jam, dhe nuk ndryshoj, nuk fle në këmbë e nuk bëj kompromise të pista me askënd, flas hapur e nuk më ndalon njeri e s?ka për të më ndaluar kurrë me çdo lloj kosto. Shume kujt i vras sytë e veshët por unë ndjehem komod me veten se nuk jam hipokrit. Unë respektoj por nuk bëhem ushtar i verbër i askujt.

Prandaj stop abuzimit me emrin tim e veprimet e mia. Janë të pastra si kristali dhe me qëllime parimore e të drejta ! Askush nuk mundet t?i ndotë, askush..!?, shkruan deputeti Pjerin Ndreu në reagimin e tij.

Ndërkohë kryeministri Rama ka nxjerrë në terren të besuarit e tij për të bërë tratativa me deputetët që kanë dalë kundër rrjedhës politike të koalicionit. Pranë ambienteve të Kryesisë së Kuvendit, përfaqësuesi i PS-së në KQZ, Eridjan Salijani ka zhvilluar një takim me dy nga deputetët që kanë dalë kundër mazhorancëns, Armando Prengan dhe Parid Carën.