Saimir Tahiri drejt shkarkimit?

25 Korrik 2014, 06:55, Politikë CNA

Ministri i Brendshëm Saimir Tahiri, pritet të jete koka e ?turkut? e Edi Ramës për grupin që dje bojkotoi seancën, por edhe disa riparime në ndarjen territoriale të cilat do qetësonin cdo zë kundër brenda mazhorancës.

Grupi i Partisë Socialistë duket i përcarë me një fraksion mjaft të rëndësishëm që kushtëzon votat e mazhorancës kushtetuese. Lëvizja e djeshme e deputeteve të shumicës të drejtuar nga Tom Doshi rrëzoi mazhorancën kushtetuese me 84 vota, të dyshës Rama-Meta dhe grupi i PS është i turbulluar. Tani ka faktorë të tjerë brenda. PDIU nuk mjafton si zgjidhje këtu pa haruar faktin se jo të gjithë janë në rrjesht. PS ka përcarjë, PDIU nuk është në rrjesht, LSI duket më e qetë në këto momente dhe si gjithmonë Meta po bën llogaritë. Kreu i Kuvendit, Ilir Meta, duket se situatën e ka nën kontrroll, ska debate dhe LSI në bazë po mer cfarë të dojë, kompetencat I kanë vetë deputetët, të cilët do jenë suksesi apo dështimi në bazë.

Nga ana tjetër në PS ka qejfmbetje në cdo qark. Diku ka punësimë dhe koordinim me deputetët, diku nuk pyetet fare. Rasti me flagrant është Korca ku Niko Peleshi edhe pse nuk është deputet, ai drejton, emeron dhe vendos për gjithcka, duke menjanuar deputetet dhe strukturat dhe duke sjelle një pakënaqësi ne bazën socialiste dhe drejtuesit e saj. Njerzit afër Peleshit kanë marre ctë mundin, ndërsa socialistët e bazes dhe militantët janë lenë në rruge. E njëjta situatë ndodhet edhe ne qarkun e Vlorë, ku Koco Kokedhima, emëron, shkarkon dhe bën cfarë të doje, ndërkohe strukturat dhe militantët janë totalisht të braktisur. Kjo situatë në bazë mund të sjellë zgjerimin e mbështetjes së grupit që dje braktisi parlamentin dhe mund të krijoje një fraksion që Rama do e ketë vështirë ta anashkalojë.

Me një lëvizje janë 5 deputetë, pa Dulen dhe Marton të cilët janë tek ndarja territoriale, kurse deputetët socialist tek ndarja e pushtetit. Një lëvizje që dje la pa votuar lidhe prioritare të qeverisë. Krisja më e madhe eshtë ajo e Tom Doshit me Saimir Tahirin, deputeti e ka akuzuar Tahirin, per paaftesi, perdorim droge, emerime nepotike etj etj, Kthim prapa nuk ka dhe vazhdimi i njëcsituate të tillë mund të sjellë të tjëra akuza ndaj Ministrit të Brendshëm por edhe kupolës së policisë. Koka e Tahirit pritet te jete ?kurbani? i qeverisë në Shtator, pasi kryeministri Rama nuk ka asnje zgjidhje tjetër përvecse të delegojë pushtet të deputetët dhe ministrat ti ule me kembë ne tokë. Ne PS nuk mund të luhet me disa standarte, koha ka treguar se zërat kundër të ?thyejne kembet e karriges?.

Nje skenar i mundshëm është edhe largimi i këtyre deputetëve drejt LSI-se duke e forcuar edhe më tëpër Ilir Metën, të cilit i hapet drita për tu berë kryeministër, një ëndër që ai e shëf shpesh mund të bëhët realitet. Me kete krisje, votat e LSI dhe nje aleance fluide me PD, Edi Rama bie nga kryeminister dhe ai kete gje e kupton shumë mirë. Ikin apo jo zgjidhja është ende në tavolinë, levizin disa fshatra dhe ikën Tahiri. Një pazar që ska asnjë humbje për kreun e qeverisë i cili me largimin e Saimir Tahirit heq një ministër që do mbahet mend për situatën e tritolit me biznesmenët, operacionin tashmë të dështuar ndaj lojrave të fatit, ndërhyrjën në Lazarat që nga sukses përfundoi në akuzë për vjedhje te pasurisë nga banorët. Pa haruar ?koncertin? me makinat e vjetra të policisë. Të gjitha janë pjesë e dështimit të Tahirit i cili është berë vetë problemi për disa deputetë dhe vëtë Edi Ramën. Ose kjo është një lojë e kreut të qeverisë, për të larguar një ministër me shumë pikpyetje, të përdorur dhe shtrydhur prej tij deri në fund, pasi cdo mbështetje që i jep nuk po përkthehet në rezultat konkret. Do qëndrojë Tahiri ose jo kjo do zbardhet pas pak shumë pak kohësh. Pjesa e disa fshatrave në hartën territorial eshtë një zgjidhje me laps në tavolinë, pjesa e Tahirit është ngërc për Kryeministrin dhe grupin Parlamentar te PS.