web counter
LEXO PA REKLAMA!

SHKARKO APP

Athina zyrtare e shqetesuar per reformen territoriale

23 Korrik 2014, 15:46, Politikë CNA

Athina zyrtare ka reaguar lidhur me reformën teritoriale. Ka qenë vetë ministri i Jashtëm grek, Evangjelos Venizelos, i cili i ka telefonuar homologut të tij Ditmir Bushati.

Sipas komunikatës për shtyp të Ministrisë së Jashtme greke, kryediplomati grek i telefonoi ministrit të Jashtëm shqiptar, në vazhdim të letërkëmbimit që ka pasur me të në datën 10 qershor, pikërisht për këtë çështje, raporton TCH.

Në bisedën telefonike që patën dy zyrtarët e lartë, Venizelos theksoi se çështja e ndarjes territoriale në Shqipëri dhe reagimet e komunitetit grek atje përbëjnë një çështje delikate dhe tepër të ndjeshme për Athinën zyrtare.

Në vazhdim, ai i kujtoi homologut shqiptar se mes dy vendeve ka një sërë temash të hapura, zgjidhja e të cilave duhet të përparojë, pa qenë nevoja e shtimit të çështjeve të tjera në marrëdhëniet ndërmjet fqinjëve.

Më tej, shefi i diplomacisë greke i kujton Tiranës se, tani që Shqipëria ka marrë statusin e vendit kandidat për Bashkimin Europian, do të duhet që vendi ynë të plotësojë një sërë detyrash, ku e drejta europiane duhet të mbizotërojë dhe të plotësohen kriteret e Kopenhagenit.





Lajmet e fundit nga