web counter
LEXO PA REKLAMA!

SHKARKO APP

App Store
Google Play

Qeveria miraton hartën e re territoriale

22 Korrik 2014, 12:02, Politikë CNA

Qeveria ka gati materialet mbi projektin e hartës territoriale që parashikon 61 bashki në ndarjen e re të vendit. Kjo u bë e ditur nga ministri për Çështje Vendore Bledi Cuçi në një deklaratë për mediat, ndërsa Qeveria miratoi variantin përfundimtar që do t?I përcillet Kuvendit në mbledhjen e sotme.

 ?Sot Këshilli i Ministrave miratoi projektin për ndarjen e re administrativo territoriale sipas propozimit të bërë nga Komisioni i posaçëm parlamentar për Reformën Territoriale. Qëndrimi për reformën është i qartë dhe i prerë në mbështetje të propozimit të ardhur nga komisioni. Projekti për ndarjen e re me 61 bashki që ka dalë pas një analize të plotë në bazë të kritereve të miratuara nga komisioni. Së bashku me relacionin Këshilli i Ministrave do të dërgojë në Kuvend materialet që kanë të bëjnë me analizën funksionale të të gjithë bashkive të prozuara për hartën e re si dhe me dokumentacionin e plotë që lidhet me konsultimet?, tha Çuçi.

I pyetur për Himarën, ministri Çuçi tha se qëndrimi i qeverisë për Himarën është i prerë dhe i qartë se Himara është pjesë e Shqipërisë dhe është një nga 58 zonat funksionale.

?Himara është një nga 58 zonat funksionale që janë krijuar në Shqipëri. Për ne Himara është pjesë e Shqipërisë, përvec 3 zonave minoritare që për shkak të kritereve që ne kemi vendosur kemi ruajtur përkatësinë minoritare. Himara është krijuar për të krijuar një funksionalitet si bashki e ardhshme?, u shpreh ai.





Lajmet e fundit nga