web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Ndarja e re territoriale Rama - Meta eshte harta e tyre elektorale, eshte anti-kushtetuese, diskriminuese dhe ndeshkon qytetaret!

23 Korrik 2014, 10:23, Politikë CNA

Ish-kryeministri Sali Berisha e ka quajtur antikushtetuese reformen territoriale. Ja si shprehet ai ne Facebook:

Cilido qe i hedh nje sy hartes Rama – Meta te ndarjes se territorit konstaton se eshte shkelur çdo kriter gjeografik, demografik, ekonomik e kulturor dhe se ajo eshte e ndertuar vetem mbi kriterin elektoral dhe diskriminimin krahinor, nje pazar banal ku Rama – Meta kane ndare Shqiperine si plaçken e tyre elektorale.

Keshtu psh, Tiranes i eshte bashkengjitur Shengjergji me fshatra mbi 40 km larg saj apo Zall Herri qe eshte pertej Paskuqanit, por jo Paskuqani i “mallkuar” nga qeveria, i cili eshte vazhdim i saj dhe qe pak vite me pare ka qene pjese e saj. Po keshtu, qarku i Beratit me 8 deputete, eshte lene me 5 bashki, kurse Fieri me 16 deputete eshte lene vetem me 6 bashki. 

Kulmi i diskriminimit arrin me Qarkun e Tiranes, i cili ka 32 deputete dhe 1/3 e popullsise se vendit dhe eshte lene vetem me 4 bashki, pra ka 3 bashki me pak se qarku i Gjirokastres dhe 1 bashki me pak se qarku i Beratit, apo rreth 5 here me pak se qarqet Vlore, Berat, Gjirokaster, qe se bashku sjellin ne Parlament gjithsej 25 deputete dhe qe jane shperblyer me 19 bashki. 

Keshtu, Qarku i Gjirokastres me 5 deputete ka 7 bashki, nga te cilat vetem njera eshte e fshatrave minoritare. Kurse jetimja Shkoder qe eshte me 11 deputete ka gjithsej 5 bashki. Theksoj ketu se vetem Velipoja vitin e kaluar ka patur te regjistruar si biznese 91 hotele, ekzakt sa Saranda. Po keshtu, dhe po per qellime elektorale, jane fshire nga harta Rama – Meta, Kashari dhe Paskuqani, qe ne censusin e fundit renditen perkatesisht ne vendin e 8-te dhe te 10-te si njesite e qeverisjes vendore me te medha ne numer banoresh te vendit.

Pra ndarja Rama – Meta eshte thjesht ndarje elektorale apo harta e zones se pare operative, e cila shperblehet ne kete ndarje me 19 bashki apo me rreth 1/3 e bashkive te vendit. Ndarja e re territoriale zhduk nga harta 320 komuna dhe eshte nje dhunim flagrant i Kushtetutes te Shqiperise, e cila ne interesin me te mire te qytetareve jua garanton komunen si njesi te qeverisjes vendore. Kushtetuta ne nenin 108 pika 3 percakton se: ?Komuna dhe bashkia jane njesi baze te qeverisjes vendore dhe si njesi te qeverisjes vendore kryejne te gjitha detyrat veteqeverisese vendore…”.
Kjo ndarje vjen ne kundershtim flagrant me interesat e perditshme dhe zhvillimore te çdo qytetari, komuniteti, zone dhe vendit ne teresi.
Ndarja Rama – Meta bazohet ne parimin absurd te largimit sa me shume te qeverise vendore nga qytetari.

Kjo ndarje eshte ndeshkim i rende i me shume se 1.3 milione shqiptareve banor te komunave, te cilet do duhen te bejne sipas rastit dhjetera e dhjetera kilometra rruge, madje deri ne 40 e 70 km per te arritur ne qendren e tyre administrative. Pra keta qytetare, qe jane dhe me te varferit e vendit, do duhet te shpenzojne shume me teper kohe dhe para per te arritur ne qendren e qeverise se tyre vendore. Keshtu, tani e tutje çdo sherbim qe qeveria vendore ju ofron qytetareve do ju kushtoje atyre dy e me shume here me shtrenjte ketyre te fundit dhe kjo nxit depopullimin e ketyre zonave.

Per nje vend ne zhvillim e siper, fshirja e komunave nga harta vendos ne harrese perfundimtare zonat me te pazhvilluara te vendit, pasi ju heq atyre buxhetimin direkt dhe i shnderron ato ne satelit jetim te qendrave urbane dhe kjo nxit shpernguljen masive te banoreve te ketyre zonave drejt qendrave te medha urbane apo emigrimin jashte vendit.
Por edhe qendrat urbane ne teresine e tyre edhe keshtu siç jane nuk perballojne si duhet problemet e tyre te medha te urbanizimit, mjedisit, pastrimit, furnizimit me uje, etj.. Bashkim i tyre me zonat rurale do shoqerohet padyshim me perkeqesim te sherbimeve ndaj qytetareve te tyre.

Ndarja Rama – Meta godet rende potencialin turistik te Shqiperise sepse fshin nga harta njesite vendore me potencial te madh turistik si: Velipoja, Shengjini, Golemi, Spilleja, Semani, Orikumi, Lukova (me 50 km vije bregdetare), Ksamili.
Ndarja elektorale Rama – Meta “harroi” qarqet, duke faktuar keshtu se eshte thjesht nje ndarje elektorale.

Si perfundim kjo eshte harta elektorale e Edvin Rames, Ilir Metes, harta e shperblimit te zones se pare operative dhe e ndeshkimit te Tiranes, Fierit, Shkodres dhe zonave te tjera te vendit. Kjo harte eshte anti-kushtetuese, anti-qytetare dhe anti-kombetare. Ju bej thirrje qytetareve te perdorin te gjithe mjetet kushtetuese kunder ketij ndeshkimi te rende dhe te pamerituar qe po ju ben klika Rama – Meta, perfundon Berisha





Lajmet e fundit nga