web counter
LEXO PA REKLAMA!

SHKARKO APP

App Store
Google Play

ZYRTARE/ Juventusi largon trajnerin Motta, në stol rikthehet një "ish"

23 Mars 2025, 18:51, Sport CNA

ZYRTARE/ Juventusi largon trajnerin Motta, në stol rikthehet një

Thiago Motta nuk është më trajner i Juventusit, pasi drejtuesit i kanë komunikuar shkarkimin, si pasojë e rezultateve të dobëta në javët e fundit. Eliminimi nga Liga e Kampioneve dhe Kupa e Italisë, si dhe dy humbjet radhazi në kampionat, kanë çuar në këtë vendim të pritur nga klubi bardhezi.

Shkarkimi nuk ishte parashikuar kaq i menjëhershëm, por mbledhja mes trajnerit dhe drejtuesve solli këtë përfundim. Sipas mediave italiane, përgjigjet e Mottës për krizën e skuadrës, nuk kanë lënë një shije të mirë të drejtuesit, të cilët vendosën ta largojnë menjëherë.

Juventusi nuk ka humbur kohë dhe ka zgjedhur menjëherë pasardhësin e Mottës. Drejtimi i ekipit do t’i besohet Igor Tudor, një figurë e njohur për ambientin bardhezi. Ish-mbrojtësi kroat, i cili ka kaluar shtatë sezone si lojtar te Juventusi, do të rikthehet tani si trajner i parë. Ai nuk është i panjohur për stafin e “Zonjës së Vjetër”, pasi ka qenë pjesë e ekipit teknik të Andrea Pirlos gjatë sezonit 2020-2021.

Tudor ka zbarkuar në Italia dhe ka nisur menjëherë nga puna. Palët kanë arritur marrëveshjen për një kontratë deri në qershor, me mundësinë e rinovimit deri në vitin 2026, në varësi të ecurisë së ekipit dhe objektivave të arritur.





Lajmet e fundit nga