web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria nis eliminatoret me humbje, në “Wembely” feston Anglia

21 Mars 2025, 22:43, Sport CNA

Shqipëria nis eliminatoret me humbje, në “Wembely” feston

Kombëtarja shqiptare e ka nisur me humbje rrugëtimin drejt Botërorit 2026, pasi u mposht 2-0 nga Anglia në mitikun “Wembely”.

Siç edhe pritej, sfida nisi me dominimin e Anglisë, që menjëherë mori kontrollin e lojës dhe kërkoi të shënonte një gol të shpejtë. Presioni i vendasve dha efekt në minutën e 20-të, kur talenti i Arsenalit, Leuis-Skeli, gjeti golin e avantazhit, pas një asisti perfekt të marrë nga Bellingham. Shqipëria u përpoq të reagonte, por e pati shumë të vështirë të krijonte raste të pastra për gol në pjesën e parë.

Në fraksionin e dytë, kuqezinjtë shfaqën një fytyrë tjetër, duke fituar më shumë terren dhe duke krijuar disa raste shënimi. Broja dhe Asani ishin më të rrezikshmit, por nuk ishin të saktë në metrat e fundit. Megjithatë, në momentin kur Shqipëria po tentonte të barazonte, erdhi edhe goli i dytë. Harry Kane lëvizi bukur në zonë dhe pasi fitoi duelin me Ajetin, e ndali topin në fundin e rrjetës.

Pas kësaj humbjeje, Shqipëria duhet të kthejë menjëherë vëmendjen te ndeshja e radhës, e cila do të luhet më 24 mars në “Arena Kombëtare” ndaj Andorrës. Ky është një duel që kuqezinjtë duhet ta fitojnë me çdo kusht për të mos e komplikuar që në fillim rrugëtimin në këto eliminatore.

Ndryshe nga Anglia, Andorra është një kundërshtar shumë më i lehtë, por që mund të bëhet i rrezikshëm nëse nuk trajtohet me seriozitetin e duhur. Kombëtarja duhet të shfaqë më shumë agresivitet dhe të luajë me ritëm të lartë për të siguruar një fitore bindëse, që do të shërbejë edhe si një injeksion besimi për sfidat e ardhshme.





Lajmet e fundit nga