E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ndryshime në formacion dhe mungesë impenjimi, Silvinjo i prerë: E largoj direkt atë lojtar

23 Mars 2025, 17:38, Sport CNA

Ndryshime në formacion dhe mungesë impenjimi, Silvinjo i prerë: E

Trajneri i Shqipërisë, Silvinjo foli në konferencë për shtyp, në prag të ndeshjes me Andorrën.

Silvinjo deklaroi se do të ketë ndryshime në krahasim me ndeshjen ndaj Anglisë. I pyetur nëse ka mungesë impoenjimi nga ndonjë lojtar, Silvinjo u shpreh se në rast se e shikon diçka të tillë, e largon vetë futbollistin.

“Mund të ketë ndryshime, por në aspektin strategjik. Punojmë shumë me videot. Sot do të punojmë me aspektin taktik. Nuk është e lehtë që të përshtatësh lojtarët në kaq pak kohë. Do kalojmë nga një ndeshje ku duhet të mbyllnim dhe të riniseshim, në një ndeshje kur ne duhet të krijojmë.

Balliu dhe Aliji kishin një ndeshje të rëndësishme dhe kanë humbur shumë energji. Momentalisht duken shumë mirë. Në sulm ekzistojnë të gjitha mundësitë. Mund të ketë ndryshime dhe të shohim. Në ditën e ndeshjes do të marrim vendimet për ata që do të hedhim në fushë.

Kualifikueset e Europianit kanë mbaruar. Është mbyllur ai kapitull. Ne nisim një rrugëtim të ri dhe ne duhet të gjejmë zgjidhje. Nuk është gjithmonë e lehtë. Në kualifikueset e Botërorit, kalon vetëm i pari dhe ka një shans nga vendi i dytë. Lojtarët janë entuziastë. Duhet bërë çdo gjë mirë. Duhet të zhbllokohemi dhe të shënojmë gola. Në momentin që nuk je i zhbllokuar është e vështirë të fitosh ndeshjen. Lojtarët dhe njerëzit sjellin energji në stadium.

Ndjej që lojtarët duan të bëjnë më të mirën me ekipin. Varet nga momenti i lojtarit dhe ndeshjes. Përgjithësisht zgjedh lojtarët që janë në gjendje më të mirë. Do isha i pari që do e largoja një lojtar, nëse e shikoj që nuk është i gatshëm për ekipin. Ia kam thënë edhe lojtarëve në takimin e fundit, që duhet të sakrifikojmë më shumë. Ismajli kishte një problematikë në stërvitje dhe nuk është gati për ndeshjen. Ai ka një dëshirë dhe zemër të madhe për të qenë pjesë e ekipit”, deklaroi Silvinjo.