web counter
LEXO PA REKLAMA!

SHKARKO APP

App Store
Google Play

E fundit!

x

Milani i ka për "jetë a vdekje", por mund t'i japë titullin Interit

22 Mars 2025, 21:59, Sport CNA

Milani i ka për "jetë a vdekje", por mund t'i japë

Me vetëm nëntë javë të mbetura në Serinë A, Milani ndodhet përpara një sfide vendimtare për të siguruar një vend në Ligën e Kampionëve. Skuadra e Sergio Conceicao do të përballet me pesë nga tetë ekipet e para në renditje, përfshirë Napolin, Fiorentinën, Atalantën, Bolognan dhe Romën.

Me një diferencë prej gjashtë pikësh nga vendi i katërt, tifozët kuqezi ende shpresojnë te një rikthim i mundshëm. Megjithatë, statistikat nuk janë inkurajuese, në përballjet e deritanishme kundër këtyre skuadrave këtë sezon, Milani ka marrë vetëm një pikë, pikërisht në barazimin 1-1 ndaj Romës në një ndeshje që përkoi me natën e fundit të Paulo Fonsekës si trajner.

Për të mbajtur gjallë shpresat për Evropë, Milani duhet të bëjë një gjysmë mrekullie që nga rifillimi i kampionatit, me një përballje të vështirë kundër Napolit. Skuadra napolitane triumfoi në “San Siro” më 29 tetor, falë golave të Lukakut dhe Kvarashkelias, dhe tani synon të përsërisë suksesin.

Ky duel do të ketë ndikim të madh jo vetëm për objektivat e Milanit, por edhe për fatin e kampionatit, pasi në të njëjtën javë Interi luan kundër Udinezes në shtëpi. Një fitore e kuqezinjve ndaj Napolit jo vetëm që do të mbante gjallë shpresat për një vend në Champions, por gjithashtu do të ndihmonte Interin në rrugën drejt titullit, duke i dhënë mundësinë që të shkëputet edhe më shumë në krye të renditjes. Nëse ekipi i Simone Inzaghit arrin të mposhtë Udinezen, atëherë Interi do të shkonte +6 pikë në renditje, duke vendosur një dorë mbi titullin kampion, të dytin radhazi.

 





Lajmet e fundit nga