web counter
LEXO PA REKLAMA!

SHKARKO APP

App Store
Google Play

Trajneri i Lille: Zhegrova është i jashtëzakonshëm, ja ku duhet të përmirësohet

5 Dhjetor 2024, 09:46, Sport CNA
Trajneri i Lille: Zhegrova është i jashtëzakonshëm, ja ku
Edon Zhegrova

Trajneri i Lille, Bruno Genesio, ka folur së fundmi për një nga lojtarët më në formë të ekipit të Lille këtë sezon, sulmuesin e përfaqësueses së Kosovës, Edon Zhegrovën.

Tekniku i skuadrës franceze deklaroi për mediet se “dardani” ka mundësi që të përmirësohet edhe më shumë.

“Ai është lojtar i talentuar, i cili është në gjendje ta bëjë dallimin në çdo moment të ndeshjes. Kam marrëdhënie të mirë me të dhe mendoj se mund të përmirësohet edhe më tej. Megjithatë ai mund të jetë i mirë në çdo ndeshje dhe në këtë aspekt duhet të përmirësohet”-u shpreh Genesio.

Edon Zhegrova ka shënuar ndaj skuadrave si Fenerbahçe, Slavia Praga, Atletico Madrid, Paris Saint-Germain, Strasbourg e Rennes, ndërsa ka asistuar ndaj Juventusit e Le Havre-s.

Referuar këtyre statistikave, trajneri i Lille u shpreh që Zhegrova shënon gola të jashtëzakonshëm.

“Ai është faktor sepse është në gjendje të shënojë gola të jashtëzakonshëm, ashtu siç ka bërë në kompeticionet europiane. Është i dashur për të gjithë dhe është integruar shumë mirë te skuadra e Lille”,-tha Bruno Genesio.

Deri më tani, këtë sezon mes Ligue 1 dhe Champions League-s, në 19 ndeshje, Zhegrova ka shënuar tetë gola dhe ka dhënë dy asiste./CNA





Lajmet e fundit nga