web counter
LEXO PA REKLAMA!

SHKARKO APP

App Store
Google Play

Juventus në moment të vështirë, tifozët të ndarë për trajnerin Motta

4 Dhjetor 2024, 14:30, Sport CNA

Juventus në moment të vështirë, tifozët të

Thiago Motta, i mirëpritur si simbol i një revolucioni taktiko-sulmues në Juventus, tani po përballet me rritjen e presionit nga tifozët pas rezultateve zhgënjyese në muajt e fundit. Në 10 ndeshjet e fundit, skuadra ka arritur vetëm 3 fitore dhe 6 barazime, duke lënë tifozët të ndarë mes mbështetësve të projektit të ri dhe atyre nostalgjikë për epokën më pragmatiste të Massimiliano Allegrit.

Me një total prej 10 barazimesh në të gjitha kompeticionet dhe humbjen e rëndë ndaj Stuttgart, entuziazmi fillestar është zbehur ndjeshëm.

Lëndimet e Dusan Vlahovic dhe Arkadiusz Milik kanë kufizuar opsionet e Motta-s. Pavarësisht përpjekjeve për të shfrytëzuar lojtarë si Kenan Yildiz dhe Timothy Weah, mungesa e konkretizimit mbetet shqetësuese.

Napoli i Antonio Contes po kalon një periudhë të shkëlqyer dhe tani është 6 pikë para Juventusit në renditjen e Serie A.

Ndërsa një pjesë e tifozëve mbeten të qetë dhe i japin besim Mottas duke pranuar natyrën afatgjatë të projektit, të tjerët kanë filluar të shfaqin hapur pakënaqësitë, veçanërisht pas barazimit të fundit me Leçen dhe golit të Ante Rebic që i mori Juventusit dy pikë të vlefshme.

Ndeshjet e ardhshme do të jenë thelbësore për të përcaktuar fatin e këtij sezoni. Sfida e radhës është me Bologna-n, një ndeshje në shtëpi ku një fitore është e domosdoshme për të rikthyer moralin.

Pas kësaj vjen një test i vështirë, sicc është përballja me Manchester City-n në Champions, që do të tregojë se sa konkurrues është Juventusi në nivel ndërkombëtar.

Për Motta-n dhe skuadrën e tij, kjo periudhë përfaqëson një shans të rëndësishëm për të rikthyer entuziazmin e tifozëve dhe për të siguruar stabilitet në projektin e tij. Megjithatë, si gjithmonë në futboll, fjalën e fundit do ta thotë fusha. Nëse rezultatet nuk përmirësohen deri në fund të vitit, edhe tifozët më të duruar mund të humbasin besimin.





Lajmet e fundit nga