web counter
LEXO PA REKLAMA!

SHKARKO APP

App Store
Google Play

E fundit!

x

Salah te PSG? Al Khelaifi zbulon të vërtetën

3 Dhjetor 2024, 18:14, Sport CNA

Salah te PSG? Al Khelaifi zbulon të vërtetën

Presidenti i Paris Saint-Germain, Nasser Al-Khelaifi, ka përgënjeshtruar spekulimet që lidhin klubin francez me një transferim të mundshëm të superyllit të Liverpool-it, Mohamed Salah. Në një deklaratë për Sky Sports, Al-Khelaifi lavdëroi aftësitë e Salah, por theksoi se klubi nuk ka bërë asnjëherë përpjekje për të nënshkruar me sulmuesin egjiptian.

“Nuk është e vërtetë. Ai është një lojtar fantastik dhe i mrekullueshëm, por ne kurrë nuk e kemi konsideruar atë, të jem i sinqertë. Ne e dimë se çdo klub do të donte ta kishte atë, por këto thashetheme për ne thjesht nuk janë të vërteta”, deklaroi Al-Khelaifi.

Kjo deklaratë vjen pas raportimeve të fundit nga mediat franceze që pretendonin se Salah kishte nisur bisedimet me PSG-në për një transferim të mundshëm në verë, kur kontrata e tij me Liverpool përfundon. Sipas këtyre raportimeve, Salah ishte i hapur për një kalim në “Parc des Princes’, dhe PSG e shihte atë si një përforcim ideal për sulmin.

Mohamed Salah, 32 vjeç, është ende duke diskutuar për rinovimin e kontratës së tij me Liverpool. Me marrëveshjen aktuale që skadon këtë verë, e ardhmja e tij mbetet e pasigurt, dhe kjo ka nxitur spekulime për interesim nga disa klube të mëdha evropiane.

Ndërkohë, PSG thuhet se po kërkon një anësor sulmues për të forcuar repartin ofensiv dhe ka konsideruar emra si: Khvicha Kvaratskhelia, Jadon Sancho, Nico Ëilliams.

Pavarësisht spekulimeve, deklarata e Al-Khelaifi e bën të qartë se Salah nuk është aktualisht pjesë e planeve të PSG-së. Megjithatë, situata mbetet e ndërlikuar, pasi e ardhmja e Salah te Liverpool nuk është ende e sigurt, dhe shumë klube po e monitorojnë nga afër situatën e tij.





Lajmet e fundit nga