web counter
LEXO PA REKLAMA!

SHKARKO APP

App Store
Google Play

Tirana luan fatet e sezonit, Erbim Fagu: Nuk pres tolerim nga Egnatia

11 Maj 2024, 12:39, Sport CNA

Tirana luan fatet e sezonit, Erbim Fagu: Nuk pres tolerim nga Egnatia

Tirana luan fatet e sezonit ndaj Egnatias, në ndeshjen e fundit të Superiores. Bardheblutë duan me çdo kusht fitoren, për të shpresuar në një kombinim rezultatesh dhe për të kapur vendin e katërt.

Trajneri i kryeqytetasve, Erbim Fagu, ishte i qartë në prononcimin para ndeshjes, ku tha se skuadra e tij nuk e ka më në dorë futjen në “Final Four”.

Fagu deklaroi se pret të luhet një ndeshje e drejtë në Shkodër dhe shpreson në një ndalesë të Skënderbeut ndaj Vllaznisë.

Trajneri i Tiranës, theksoi se në kampionatin shqiptar nuk ka pasur aleanca dhe shtoi se nuk pret tolerime nga Egnatia.

"Aktualisht kemi pak më pak shpresa për vendin e katërt, pasi nuk është çdo gjë në dorën tonë, por ne do të bëjmë maksimumin për të marrë 3 pikët në ndeshjen tonë. Ne kemi lojtarë me eksperiencë, por kur një sezon s’ka shkuar si duhet, çdokush futet në presion.

Shpresoj që në Shkodër të luhet futboll i drejtë. Nuk jemi vetëm ne në garë, por edhe Teuta me Dinamon.

Në kampionat s’ka pasur aleanca, të gjithë kanë luajtur për objektivat e vet, skuadrat do të japin maksimumin. Logjikisht Egnatia është e fokusuar në Kupë, por nuk mendoj se do të hyjnë në fushë për të na toleruar, e presim agresive, e ka treguar gjatë kampionatit këtë.

Nuk kam folur për të ardhmen, presim të mbarojë kjo ndeshje, më pas do të ulemi dhe do të bisedojmë për të ardhmen.", tha Fagu. 

Ndeshja mes Egnatias dhe Tiranës, do të luhet në stadiumin e Rrogozhinës, duke nisur nga ora 16:00.

 





Lajmet e fundit nga