ZYRTARE/ Mbappe njofton largimin nga PSG-ja

10 Maj 2024, 20:06, Sport CNA

Ndeshja e kësaj të diele, do të jetë e fundit e Kylian Mbappe, me fanellën e PSG.

Vetë sulmuesi, njoftoi se do të largohet dhe ky është sezoni i tij i fundit në Francë.

Ylli francez zgjodhi rrjetet sociale për të komunikuar largimin me fansat. Dhe për t’i falënderuar të gjithë ata me të cilët ndau eksperiencën 7-vjeçare te klubi i njohur francez.

MESAZHI I MBAPPE:

Përshëndetje të gjithëve. Unë jam Kylian dhe dua të flas me ju. Ua kam thënë gjithmonë se do të flas me ju kur të vijë koha. Do të doja të njoftoja se është viti im i fundit te Paris Saint Germain. Nuk do të rinovoj kontratën, aventura ime do të përfundojë brenda pak javësh.

Unë do të luaj ndeshjen time të fundit në “Parc des Princes” të dielën, kam shumë emocione. Kam kaluar shumë vite dhe kam pasur nderin e madh të jem pjesë e klubit më të madh francez, njërit prej më të mëdhenjve në botë, që më ka dhënë mundësinë të mbërrij deri këtu.

Të kem eksperiencën e parë në një klub me shumë presion, të rritem ndjeshëm si futbollist, duke qëndruar në krah të disa prej lojtarëve më të mirë. Me gjithë lavdinë dhe gabimet që kam bërë, unë dua të falënderoj të gjithë ata që kam pasur dhe kam shokë skuadre, të gjithë trajnerët, duke nisur nga Unai Emery, Thomas Tuchel, Maurizio Pochettino, Christophe Galtier e Luis Enrique, drejtorët sportivë Leonardo e Luis Ocampos dhe të gjithë punonjësit e klubit, që askush nuk i sheh apo njeh, por që më kanë qëndruar pranë gjatë kësaj eksperience.

Është shumë e vështirë për mua të njoftoj largimin nga klubi, largimin nga vendi im, nga Ligue 1 dhe e kam menduar gjatë, por mendoj se më duhet një sfidë e re. Ata që dua të falënderoj mbi të gjitha, janë tifozët. E di që unë nuk jam futbollisti më përfaqësues, por nuk do t’ia kisha dalë pa mbështetjen tuaj gjatë këtyre 7 viteve dhe asnjëherë nuk kam dashur t’u tradhtoj në fushë dhe gjithmonë kam provuar të bëj më të mirën për të qenë efektiv. PSG është një klub që nuk lë askënd mënjanë, mund ta duam apo urrejmë atë dhe unë zgjodha ta dua, duke veshur fanellën e saj për 7 sezone, natyrisht me uljet dhe ngritjet e veta, por sigurisht që nuk pendohem për asnjë moment që firmosa me këtë klub prestigjoz. Është një skuadër që do ta mbaj në memorien time gjatë gjithë jetës dhe do t’u tregoj të gjtihëve me krenari e pata mundësinë të luaj me PSG-në.

Nuk do të jem më futbollist i saj, por do të vazhdoj ta ndjek në çdo ndeshje, pasi është një klub që do të mbajë gjithmonë zgjuar interesin tim për ta parë dhe për t’u informuar mbi të. Isha unë, me defektet dhe cilësitë e mia, por mund t’u them se jam përpjekyur të tregoj versionin tim më të mirë gjatë këtyre 7 viteve. Dua t’u falënderoj edhe nëjherë, sepse pa ju nuk do të mund të kisha përjetuar këtë eksperiencë fantastike dhe gjithë këto emocione. Për këtë do t’u jem mirënjohës përjetë. Faleminderit të gjtihëve dhe shpresoj ta mbyllim këtë vit me një tjetër trofe. Do të mbeteni në zemrën time përgjithmonë. Këtu është Paris! Mirupafshim.