web counter
LEXO PA REKLAMA!

SHKARKO APP

App Store
Google Play

Europa League/ Sot përcaktohen dy finalistet, përballje interesante në Gjermani dhe Itali

9 Maj 2024, 11:28, Sport CNA

Europa League/ Sot përcaktohen dy finalistet, përballje interesante

Mbrëmjen e kësaj të enjteje do të luhen dy ndeshjet e kthimit në gjysmëfinalet e Europa League.

Bayer Leverkusen pret në shtëpi Romën, në një ndeshje ku kualifikimi për gjermanët duket formalitet.

Skuadra e drejtuar nga Xabi Alonso fitoi 2-0 në sfidën e parë në Itali dhe për këtë arsye, kalimi për në finale, duket i thjeshtë. 

Nuk përjashtohet mundësia e ndonjë surprize, por duke ditur që Leverkusen-i nuk njeh humbje këtë sezon prej 48 ndeshjesh, një përmbysje e Romës duket shumë e vështirë.

Paralelisht do të luhet edhe një tjetër sfidë interesante, siç është ajo mes Atalantës dhe Marseille-s. Ndeshja e parë në Francë u mbyll në barazim 1-1 dhe për këtë arsye kualifikimi ka mbetur i hapur për të dyja skuadrat.

Spektakli është i garantuar, me të dyja ekipet që duan me çdo kusht fitoren. Italianët vijnë pak më të favorizuar në këtë përballje, duke ditur se në çerekfinale eliminuan një emër të madh si Liverpool-i.

Dy ndeshjet do të luhen këtë mbrëmje, duke nisur nga ora 21:00.

Në të njëjtin orar do të luhet edhe gjysmëfinalja e kthimit në Conference League, mes Olympiakos dhe Aston Villa-s.

Grekët fituan ndeshjen e parë në transfertë me rezultatin 4-2 dhe për këtë arsye, shihen si favoritë për t'iu bashkuar Fiorentinës në finale.





Lajmet e fundit nga