web counter
LEXO PA REKLAMA!

SHKARKO APP

App Store
Google Play

E fundit!

x

Sot vendoset finalistja e dytë/ Real-Bayern në "Bernabeu", spektakli i garantuar

8 Maj 2024, 12:08, Sport CNA

Sot vendoset finalistja e dytë/ Real-Bayern në "Bernabeu",

Mbrëmja e kësaj të mërkure do të përcaktojë skuadrën e dytë finaliste në Ligën e Kampioneve. Në "Santiago Bernabeu" përballen dy ekipe me emër, si Reali i Madridit dhe Bayern Munich.

Pas barazimit 2-2 në Gjermani, kualifikimi ka mbetur i hapur dhe gjithçka do të vendoset në sfidën e kthimit. Pritet një ndeshje spektakolare dhe e luftuar nga të dyja ekipet, që synimin e kanë të qartë.

Diçka të tillë, e pranoi edhe trajneri Carlo Ancelotti, në konferencën para ndeshjes.

"Jemi entuziastë para kësaj sfide, sepse kemi mundësinë për t'u kualifikuar në finalen e madhe. Kemi motivim të madh dhe do të tentojmë të bëjmë më mirë se kundërshtari. Si klube, jemi të ngjashme, me traditë, histori dhe shumë suksese në Ligën e Kampioneve. E respektojmë njëri-tjetrin. Në një gjysmëfinale duhet respektuar gjithmonë kundërshtari, kjo edhe për shkak se Bajerni bëri më mirë se ne, në ndeshjen e parë", deklaroi italiani.

Në krahun tjetër, trajneri i bavarezëve, Thomas Tuchel, vlerësoi maksimalisht kundërshtarin, por theksoi se fitorja në "Bernabeu", nuk është e pamundur.

"Nuk flasim për historikun dhe të kaluarën. 'Bernabeu' është një nga stadiumet më të vështira për të fituar, por asgjë nuk është e pamundur. Bëmë shumë mirë në ndeshjen e parë, por fatkeqësisht nuk ia dolëm të fitojmë dot. Mund të them se Reali ka pak më shumë shanse, për shkak se luan në shtëpi. Kundërshtari është një nga klubet më të mëdha në botë, po ashtu si edhe ne. Për këtë arsye, do të jetë një ndeshje e shkëlqyer. Jemi në gjysmëfinale dhe duam finalen. Do të luajmë për të shkuar në 'Uembli' dhe asgjë tjetër."

Ndeshja Real Madrid-Bayern Munich, do të luhet mbrëmjen e kësaj të mërkure, duke nisur nga ora 21:00.





Lajmet e fundit nga