web counter
LEXO PA REKLAMA!

SHKARKO APP

App Store
Google Play

Java e parafundit në Superiore/ Spikat “Klasikja”, finale në Korçë dhe Elbasan

7 Maj 2024, 14:21, Sport CNA

Këtë të mërkurë, do të luhen pesë ndeshjet, e vlefshme për javën e parafundit në Superiore. Xhiro e 35-të, rezervon përballje interesante dhe vendimtare për objektivat e skuadrave.

Egnatia, Vllaznia dhe Partizani kanë siguruar matematikisht pjesëmarrjen në “Final Four” teksa mbetet gjithçka e hapur për vendin e katërt. Dinamo City, Skënderbeu, Tirana por edhe Teuta do të luftojnë deri në javën e fundit për të siguruar vendin e katërt në kampionat.

Dinamo City në javën e 35-të do të përballet me Egnatian e vendit të parë në “Elbasan Arena”, një sfidë mjaft interesante ku të dyja skuadrat kanë si objektiv vetëm fitoren.

Skënderbeu do të presë Laçin në Korçë, një ndeshje shumë e vështirë për të zotët e shtëpisë që luftojnë për vendin e katërt në kampionat. Në anën tjetër, Laçi kërkon fitoren e radhës për të shpëtuar nga “play-out”.

Në stadiumin “Air Albania” do të zhvillohet klasikja e futbollit shqiptar mes Tiranës dhe Vllaznisë. Kuqeblutë do të synojnë të regjistrojnë triumfin e radhës për të luftuar deri në fund edhe për vendin e parë në kampionat, ndërsa për Tiranën është mundësia e fundit për të shkuar në “Final 4” dhe rruga e vetme është fitorja në këtë sfidë.

Partizani do të kërkojë triumfin e radhës teksa do të përballet në transfertë me Kukësin, ndërsa Teuta do të luajë ndaj Erzenit.





Lajmet e fundit nga