web counter
LEXO PA REKLAMA!

SHKARKO APP

App Store
Google Play

E fundit!

x

Vllaznisë i “intereson” humbja ndaj Skënderbeut, do arkëtonte 325 mijë euro

8 Maj 2024, 19:23, Sport CNA

Vllaznisë i “intereson” humbja ndaj Skënderbeut, do

Kur duhet edhe një javë nga fundi, e gjithë gara tashmë në kampionat bëhet për vendin e katërt, aty ku duelojnë katër skuadra.

Skënderbeu mban aktualisht vendin e katërt me 48 pikë, 1 më shumë se tre ndjekësit e tjerë. Korçarët, përballen në javën e fundit me Vllaznisë dhe shkodranëve në këtë sfidë, më shumë u intereson të humbasin, sesa të fitojnë.

Arsyeja? Nëse Skënderbeu do ë mbyllte në vendin e katërt, do të merrte pjesë në “Final Four” dhe kjo do i siguronte zyrtarisht Vllaznisë, pjesëmarrjen në Europë, së bashku me Egnatian dhe Partizanin.

Me çdo skuadër tjetër të pranishme në katërshe, kualifikimi në Europë do të ishte në pikëpyetje të paktën deri pas finales së Kupës ku vendin në Ligën e Konferencës mund ta marrë Kukësi.

Por nëse Skënderbeu shkon në katërshe, atëherë Egnatia, Partizani dhe Vllaznia janë automatikisht të sigurt për praninë në Ligën e Konferencës, meqë skuadra korçare vazhdon të jetë e dënuar nga UEFA dhe sido që të paraqitet në ”Final Four” , nuk luan dot në kompeticione europiane dhe më tej shkon vendi i pestë, nëse Egnatia fiton edhe Kupën. 

Vllaznia praktikisht bën tifo për Skënderbeun që të kualifikohet në katërshe, pasi do t’i sigurojë minimalisht 325 mijë euro nga pjesëmarrja në turin e parë të Ligës së Konferencës.





Lajmet e fundit nga