E fundit!

10:40 Aktualitet

Vrasja e efektivit/ Mbahen homazhet në nder të tij

Këtë të premte po mbahen homazhet në Korçë në nderim të ef...

Orges Shehi: Partizani, si Skënderbeu i artë

10 Maj 2024, 18:33, Sport CNA

Trajneri i Partizanit, Orges Shehi, foli për mediat, në prag të sfidës me Erzenin në kampionat.

Shehi deklaroi se shijakasit kanë më shumë cilësi se Kukësi, me të cilët u përball në mesjavë.

“Fitorja është fitore dhe sigurisht që ndikon në rritjen e moralit dhe kur është në vazhdën e një vazhdimësie të mirë. Kemi marrë maksimumin dhe vendin e dytë atë që kemi dashur prej kohësh. Nesër na duhet një tjetër sforco për të mbyllur 36 javë kampionati dhe për të nisur ciklin e Final 4. Ne e dinim që kjo javë e fundit e kampionatit do të kishte ngjeshje. Jemi munduar që të bënim një rotacion të pjesshëm pa e prishur strukturën e skuadrës. Nesër mund të kemi 3 ose 4 prurje të reja, por pa prishur fizionominë e skuadrës, na rikthehet edhe Maguette që ishte i pezulluar me kartonë.

Kukësi dhe Erzeni dy skuadra që për fatin e tyre të keq kanë zbritur një Kategori më poshtë. Kanë karakteristika të ndryshme. Ndaj Kukësit ishim në transfertë, ndërsa nesër do të luajmë në shtëpi. Por kjo nuk e bën aspak të lehtë, pasi mendoj se Erzeni ka në përbërje lojtarë me më shumë cilësi se Kukësi, ka lojtarë që shumë mirë mund të luajnë në çdo skuadër. Kur përballesh me elementë cilësorë duhet të jesh i kujdesshëm.

Për herë të parë luajmë një kampionat të tillë, ku do të vendoset titulli kampion. Pas 36 javësh, aty vjen përqendrimi më i madh dhe përpjekja më e madhe që duhet edhe pak fat. Për shkak të kësaj formule kanë patur pauz në rezultate dhe impenjim pasi kanë menduar se Final 4 do të jetë gjithçka. Edhe ne kemi menduar se Final 4 është dhe ne do të jemi aty dhe e quanim të mbyllur këtë. Por kemi qenë të penalizuar edhe nga dëmtimet që s’na janë ndarë. Por në këtë pjesë të rëndësishme të kampionatit të na rikthehen të gjithë si Cara dhe Taipi që nuk janë bashkuar me grupin.”, tha ai.

Shehi bëri edhe një krahasim me Skënderbeun e mëparshëm, që dominonte në Shqipëri.

“Ka gjëra që janë të përbashkëta, mes Partizanit aktual dhe Skënderbeut të artë, siç janë kushtet e mira të punës, ku nuk mungon asgjë. Ka ambicien e drejtuesve që kërkojnë të jenë në majë dhe janë të gatshëm për të shpenzuar. Është e përbashkët për lojtarët cilësorë, por ndryshimi është se ne ishim lojtarë të pjekur dhe kishim vite që luanim bashkë. Kjo tani është më e vështirë për të luajtur për shkak të tregut dhe ofertave. Kushtet janë, shpresojmë që të marrim maksimumin. Duhen hapat e para të jenë të fuqishëm, të kesh njerëz ambiciozë, por duhet dhe durim.”, deklaroi Shehi.