web counter
LEXO PA REKLAMA!

SHKARKO APP

App Store
Google Play

E fundit!

x

Merr fund pritja 21-vjeçare, zbulohet skuadra e dytë që ngjitet në Serinë A

11 Maj 2024, 11:17, Sport CNA

Merr fund pritja 21-vjeçare, zbulohet skuadra e dytë që ngjitet

Pas Parmës, Como u bë skuadra e dytë, që siguroi ngjitjen në Serinë A. Barazimi 1-1 ndaj Cosenza, i preu biletën skuadrës së njohur, për në elitën e futbollit italian.

Como rikthehet në Serinë A, pas plot 21 viteve pritje dhe vështirësive të mëdha. Përveç Serisë B, skuadra për disa sezone luajti edhe në ligat më të ulëta, si Seria D, për shkak të problemeve financiare.

Vitet e fundit, në klubin lombard, janë afruar figura të njohura për botën e futbollit. Thierry Henry është aksioner, së bashku me grupin shumë të pasur indonezian, Djarum.

Gjithashtu pjesë e Komos, është edhe Cesc Fabregas, që mban rolin e ndihmëstrajnerit, ndërsa për disa ndeshje të këtij sezoni, ishte edhe trajner i parë.

Sa i përket ndeshjes së fundmi, Como hasi vështirësi të mëdha ndaj Cosenza-s, pasi e pa veten në disavantazh të një goli. Megjithatë vendasit nuk u dorëzuan dhe ia dolën të barazojnë shifrat në të dytën. Në minutën e 74-t, Cutrone fitoi penallti dhe nga 11-metërshi Verdi nuk gaboi, duke e dërguar topin në rrjetë.

Como ngjitet në elitë, si skuadra e vendit të dytë në Serinë B, me 73 pikë të grumbulluara, 3 pikë më pak se Parma kryesuese.





Lajmet e fundit nga