E fundit!

18:00 Politikë

"Po i bëhet rezistencë në mënyrë absurde"/ Rama: Projekti i Zvërnecit, investimi më i madh në Europë për turizmin

Kryeministri Edi Rama ka mbajtur fjalën e tij në aktivitet...

Pritej transferimi te Real Madrid, Bayern Munich shtang spanjollët për mbrojtësin

7 Dhjetor 2024, 15:00, Sport CNA

Pritej transferimi te Real Madrid, Bayern Munich shtang spanjollët për

Alphonso Davies, mbrojtësi i majtë kanadez dhe ylli i Bayern Munich, ka tërhequr vëmendjen e disa prej klubeve më të mëdha të botës, me Real Madridin që e ndjek prej kohësh. Në moshën 24-vjeçare, Davies ka arritur të shquhet si një nga mbrojtësit më të mirë në botë, falë shpejtësisë, aftësisë teknike dhe potencialit të tij për të dalë në sulm, pa lënë pas dore angazhimin mbrojtës. Këto cilësi e bëjnë atë një prioritet për klubet e nivelit të lartë, ndër to edhe Real Madridin, i cili e sheh si një opsion ideal për të forcimin e krahut të majtë për të ardhmen.

Me kontratën që i skadon në qershor të vitit 2025, klubi i Real Madridit synon që të presë përfundimin e sezonit, për të tentuar ta transferojë Davies si lojtar të lirë gjatë verës së ardhshme. Sidoqoftë, Bayern Munich nuk është i gatshëm të heqë dorë nga një prej aseteve të tij më të rëndësishëm. Klubi gjerman po punon për rinovimin e kontratës së kanadezit, duke u bërë kështu një pengesë të madhe për Real Madridin në planet e tij për të nënshkruar me një lojtar elitar pa pasur nevojë për tarifë transferimi.

Raportet nga Gjermania thonë se negociatat për rinovimin mes Bayernit dhe Davies po ecin shpejt, gjë që do të përbënte një goditje të madhe për planet e Real Madridit. Një rinovim i suksesshëm do të sigurojë që Davies të mbetet te Bayern Munich dhe do të mbyllë çdo mundësi për një transferim të mundshëm në “Santiago Bernabeu”.

E ardhmja e Alphonso Davies mbetet e pasigurt, por çdo hap që do të bëhet në këtë garë mes Bayern Munich dhe Real Madrid do të ketë një ndikim të madh. Pavarësisht se Real Madrid ka shpresën për ta afruar kanadezin, Bayern Munich është e gatshme të luftojë për të mbajtur një lojtar që ka një rol kyç në planet e tyre dhe që po bëhet gjithnjë e më shumë një figurë kryesore në futbollin ndërkombëtar.