web counter
LEXO PA REKLAMA!

SHKARKO APP

App Store
Google Play

E fundit!

x

Reagimi i Tifozave Kuq e Zi: Askush nuk na ndalon t’i këndojmë Shqipërisë me zemër

5 Dhjetor 2024, 22:07, Sport CNA

Reagimi i Tifozave Kuq e Zi: Askush nuk na ndalon t’i këndojmë


Tifozat Kuq e Zi, grupi më i madh dhe më i zëshëm që mbështet Kombëtaren Shqiptare, kanë dalë me një reagim në lidhje me debatin e fundit për këngët, por jo vetëm.

Në deklaratë zyrtare, TKZ theksoi se nuk do të ndalen kurrë së kënduari për Shqipërinë me zemër dhe pasion.

REAGIMI: 

Njoftim Zyrtar nga Tifozat Kuq e Zi
Dëshirojmë të sqarojmë situatën lidhur me daljet në media dhe intervistat e dhëna në emër të tifogrupit tonë. Njoftojmë se Tifozat Kuq e Zi nuk kanë një “Grup Kryesie”, siç pretendojnë disa persona të paautorizuar që janë shfaqur në media dhe televizione të ndryshme.
Ju bëjmë me dije se të gjitha kërkesat për pjesëmarrje në media duhet të dërgohen në adresën zyrtare të emailit: [email protected]. Grupi shqyrton këto kërkesa dhe vendos për përfaqësimin dhe përfaqësuesit zyrtarë në media.
Çdo dalje tjetër në media pa njoftim ose miratim zyrtar nga Tifozat Kuq e Zi do të konsiderohet si qëndrim personal dhe jo si përfaqësim i grupimit tonë.
Lidhur me debatin mbi ndalimin e këngëve apo thirrjeve tona, dëshirojmë të theksojmë se për 21 vite askush nuk ka mundur të na imponojë asgjë, dhe kjo nuk do të ndryshojë. Do të vazhdojmë t’i këndojmë Shqipërisë me zemër e pasion deri në frymën tonë të fundit.
Tifozat Kuq e Zi
O sa mirë me qenë Shqiptar!





Lajmet e fundit nga