web counter
LEXO PA REKLAMA!

SHKARKO APP

App Store
Google Play

Emri/ Futbollisti që drejtori mjekësor i Lazio-s tha se nuk duhet të luajë, pjesë e Milan-it

5 Dhjetor 2024, 10:38, Sport CNA
Emri/ Futbollisti që drejtori mjekësor i Lazio-s tha se nuk duhet
Milan

Drejtori mjekësor i Lazio-s, Ivo Pulcini, zbuloi pak ditë më parë se në Serie A është një futbollist që nga ana shëndetësore e ka të ndaluar të luajë.

Këto deklarata të Pulcini-t erdhën pasi mesfushori i Fiorentina-s, Edoardo Bove humbi ndjenjat në fushën e lojës.

“Në vitin 2019 vizitova një lojtar shumë të rëndësishëm, i cili tani po bën mirë dhe luan në Serie A, por nuk e konsiderova të përshtatshëm për të luajtur futboll. Lojtari u vizitua tri herë në klinika të ndryshme sepse Drejtori Sportiv, Igli Tare e donte me çdo kusht, por përgjigjja "jo" mbeti e prerë”- deklaroi pak ditë më parë mjeku i Lazio-s.

Ndërkohë, së fundmi nga Italia është zbuluar edhe emri i lojtarit që Pulcini tha se nuk duhet që të luajë.

Bëhet fjalë për mbrojtësin e skuadrës së Milan-it, Strahinja Pavlovic.

Mbrojtësi 23-vjeçar u bashkua me Milan-in këtë verë, ndërsa ka bërë shumë mirë me “Djallin”, duke gjetur madje edhe rrugën drejt rrjetës.

Pavarësisht formës së treguar në fushë, nëse Pavlovic konfirmohet nga klubi i Milan-it se vërtetë ka probleme shëndetësore atëherë aktivizimi i tij është vërtetë diçka e rëndë, duke ditur rastet në shtim të lojtarëve që kanë humbur jetën duke luajtur./CNA

Emri/ Futbollisti që drejtori mjekësor i Lazio-s tha se nuk duhet
Pavlovic




Lajmet e fundit nga