web counter
LEXO PA REKLAMA!

SHKARKO APP

App Store
Google Play

E fundit!

x

Prezantohet Gvozdenovic: E njoh mirë Elbasanin, nuk mund të flas për “Final Four”

6 Dhjetor 2024, 18:31, Sport CNA

Prezantohet Gvozdenovic: E njoh mirë Elbasanin, nuk mund të flas


Ivan Gvozdenovic bëri prezantimin e tij, si trajneri i ri i Elbasanit këtë të premte, aty ku do të pasojë të larguarin Roberto Bordin.

Në fjalën e tij, tekniku serb nuk i kurseu elozhet për ekipin, për të cilët tha se i njeh mirë. 

Gvozdenovic ishte me këmbë në tokë, duke mos bërë premtime të mëdha. 


“E njoh shumë mirë. Dy-tre herë jemi ndeshur në miqësore, pastaj dhe në kampionat. Në ndeshjen e parë 1 me 1 në Korçë, këtu 0-0. E njoh skuadrën, është e mirë dhe ka cilësi. Elbasani është në vendin e pestë, ka 21 pikë. Nuk mund të them është situatë e keqe, është normal, por patjetër do provojmë të bëjmë pak më mirë, kemi tri javë. Tri ndeshje jashtë, do punojmë, do bëjmë maksimumin.

Elbasani është klub i mirë, i madh, me tifozë dhe tradita, me emër. E di që kanë dëshirë të kapin “Final Four”, është e drejtë. Jam këtu vetëm një ditë, nuk mund të them e sigurt që do kapim “Final Four”. Nuk është e pranueshme, nuk është normale. Do bëjmë maksimumin, do luftojmë për objektivin e klubit, e kapim apo jo objektivin do flasim në maj kur të mbarojë kampionati. Kam besim te skuadra, jam shumë pozitiv, por do flasim javë për javë bashkë dhe do shohim si do dalim”, është shprehur Gvozdenovic.





Lajmet e fundit nga