LEXO PA REKLAMA!

SHKARKO APP

Nagelsmann dhe Henry, drejt stolit të PSG-së

4 Qershor 2023, 18:02, Sport CNA

Nagelsmann dhe Henry, drejt stolit të PSG-së

Sipas raportimeve, Julian Nagelsmann do t’i bashkohet Paris Saint-Germain, ndërsa si ndihmës të tij ka përzgjedhur legjendën Thierry Henry.

Dyshja thuhet se janë në bisedime të avancuara me gjigantët francezë. PSG ende nuk e ka ndarë rrugët me trajnerin Christophe Galtier, por pas humbjes së djeshme të fundit në shtëpi 3-2 ndaj Clermont Foot, kampionët francezë pritet të bëjnë një ndryshim.

Sipas L’Equipe, bisedimet me Nagelsmann kanë arritur në një “fazë të avancuar”. Gjermani pritet të marrë Henryn me vete, pavarësisht se nuk ka punuar kurrë më parë me ish-sulmuesin e Arsenalit.

Ish-reprezentuesi francez filloi karrierën e tij si trajner si ndihmës i Roberto Martinez me Belgjikën midis 2016 dhe 2018.

Më pas ai mori detyrën si strateg i Monacos, por kishte një periudhë katastrofike në Stade Louis II. Henry fitoi vetëm katër nga 20 ndeshjet në krye të ekipit përpara se të shkarkohej.

Ai më pas mori drejtimin e Montreal Impact në MLS, por dha dorëheqjen pas nëntë fitoreve në 29 ndeshje në krye. Heroi i Topçinjve u kthye si asistent i Martinezit me Belgjikën, por nuk e ndoqi ish-trajnerin e Ëiganit pasi ai u bë selektor i Portugalisë.

Lajmet e fundit nga