web counter
LEXO PA REKLAMA!

SHKARKO APP

App Store
Google Play

E fundit!

x

Indiani 17-vjeçar mposht shahistin numër 1 të botës

3 Qershor 2023, 21:32, Sport CNA

Indiani 17-vjeçar mposht shahistin numër 1 të botës

Një 17-vjeçar nga India ka mposhtur në shah numrin 1 të botës Magnus Carlsen. Turneu i shahut që mbahet në Norvegji ka 10 lojtarë për një garë të vetme me një çmim prej 68 mijë dollarë.

Një adoleshent indian ka arritur të mposhtë numrin 1 të botës në shah dhe pesë herë kampionin e botës Magnus Carlsen, në përvjetorin e tij të 17-të të lindjes.

Dommaraju Gukesh i bëri vetes dhuratën më të rëndësishme të ditëlindjes, teksa mposhti Carlsen në ngjarjen blitz përpara turneut Norëay Chess.

Në turneun, i cili mbahet në Stavanger, Norvegji, 10 lojtarë garojnë në një turne të vetëm, fituesi I cili do të marrë përafërsisht 68,400 dollarë dhe vendi i dytë do të fitojë 36,500 dollarë.

Përveç Gukesh dhe Carlsen, një mori lojtarësh më të mirë në botë po konkurrojnë, duke përfshirë Alireza Firouzja, Anish Giri, Wesley So, Hikaru Nakamura dhe Fabiano Caruana.

Pas tre ndeshjeve të turneut zyrtar, Gukesh qëndron i katërti në renditje me një fitore, një humbje dhe një barazim. Carlsen qëndron në vendin e tetë pa fitore pas dy barazimeve dhe një humbje, ndërsa Caruana qëndron në krye të renditjes.

Ndërkohë, Gukesh është ngjitur me shpejtësi në radhët e shahut pasi rzultori si i riu më i suksesshëm.

Ai arriti të fitojë titullin mjeshtri më i ri i shahut ndonjëherë në moshën 12-vjeçare.





Lajmet e fundit nga