Merr formë Skënderbeu, korçarët mposhtin me përmbysje ekipin e Superiores

3 Gusht 2022, 20:36, Sport CNA
Merr formë Skënderbeu, korçarët mposhtin me përmbysje

Përgatitjet për sezonin e ri kanë vënë përballë sot Skënderbeun dhe Bylisin në një miqësore të organizuar nga të dyja klubet për të parë gjendjen pak javë para fillimit. Një ndeshje e cila është mbyllur me shifrat 2-1 për korçarët e drejtuar nga Memelli, por edhe me sinjale të mira nga ballshiotët ku blerja më e fundit e klubit është prezantuar me gol.

Portugezi Aires Sousa është afrimi i radhës i ballshiotëve, duke shtuar përforcimet e sezonit të ri për trajnerin Jeton Beqiri. Sulmuesi i krahut të majtë ka eksperiencë në Portugali me ekipin e dytë të Benfikës, ndërsa së fundmi ka qenë pjesë e Maritimo U-23. Ai është bashkuar me skuadrën këto ditë dhe ka lënë një përshtypje të mirë, teksa sot gjeti rrugën e rrjetës që në minutën e 27-të të sfidës ndaj korçarëve.

Vendasit ia dolën të përmbysnin shifrat në pjesën e dytë të takimit me sulmuesin kryesor të tyre, Belajdi Pusin, i cili tundi rrjetën dy herë në minutat 76 dhe 85 të ndeshjes që u luajt në stadiumin e qytetit të Korçës.

 

Lajmet e fundit nga