web counter
LEXO PA REKLAMA!

SHKARKO APP

App Store
Google Play

E fundit!

x

Fitorja me Tomorin/ Frashëri, për CNA.al: Filluam të tregojmë forcën tonë

15 Tetor 2022, 20:53, Sport CNA
Fitorja me Tomorin/ Frashëri, për CNA.al: Filluam të
Erlis Frashëri

Skënderbeu fitoi sot 0-1 ndaj Tomorit në transfertë duke u ngjitur në vendin e dytë në tabelën e klasifikimit dhe duke konfirmuar formën e mirë që po kalon. Një 3-pikësh që rrit më tepër entuziazmin, edhe pse lojtarët janë me këmbë në tokë.

Kështu mendon edhe korçari Erlis Frashëri, i cili ka folur për CNA.al dhe ka deklaruar se ekipi do t'i marrë ndeshjet me radhë për të arritur objektivin e vënë në fillim të sezonit: ngjitjen e menjëhershme në Superiore.

Erlis, Skënderbeu fitoi sërish? A ka arritur kulmin e formës kjo skuadër?

Fitore e vështirë, pasi luanim ndaj një ekipi që e njeh mirë këtë kategori. Për fat, ia dolëm. Skënderbeu do t'i marrë ndeshjet një e nga një. Në çdo ndeshje do tregojmë forcën tonë sepse kemi shumë kualitet brenda.

Sa e vështirë ishte në Berat?

E kishim vlerësuar maksimalisht ekipin e Tomorit dhe e dinim që do ishte një ndeshje e luftuar. Për fatin, por dhe për meritën tonë, në fund ia arritëm qëllimit dhe dolëm me 3 pikë nga Berati.

U ndie mungesa e kapitenit Zguro në këtë ndeshje?

Normalisht që u ndie mungesa e kapitenit sepse e dimë të gjithë se cfarë cilësie ka ai lojtar kur është në fushë.

A do të ndalet më ky Skënderbe?

E theksova edhe edhe pak më lart që ne do t'i marrim ndeshjet me radhë dhe do bëjmë më të mirën në çdo ndeshje. Do japim maksimumin tonë për të arritur qëllimin që kemi vendosur në fillim të sezonit dhe duam të jemi sa më shpejt në krye. / CNA.al

 





Lajmet e fundit nga