web counter
LEXO PA REKLAMA!

SHKARKO APP

App Store
Google Play

E fundit!

x

Tetova: Ia falëm fitoren Teutës, askush nuk kërceu te goli i dytë

15 Tetor 2022, 17:58, Sport CNA

Edlir Tetova ka folur pas humbjes 2-1 kundër Teëutës. Trajneri i Egnatias u shfaq i mërzitur pas atyre dy golave të pësuar nga durrsakët.

Edhe pse rrogozhinasit patën disa raste shënimi, nuk arritën t’i shfrytëzonin si duhet. Në prononcimin e zakonshëm për Oversport, “timonieri” i Egnatias deklaroi:

“Siç shkoi loja, mendoj se nuk e meritonim humbjen. Ekipi kundërshtar na rrezikoi në dy raste. Në minutat e fundit, m’u duk se asnjë lojtar i yni s’ka kërcyer me kokë. Kemi humbur shumë raste. Lojtari ynë priti një gol të sigurtë në portën kundërshtare. I kërkova unë skuadrës të zbriste një linjë më poshtë, gjë që nuk na shkoi mirë.

Është e vërtetë ky konstatim. Pas shënimit të golit nga skuadra jonë, toleruam detaje të vogla. Kjo solli dhe ndëshkim. Teuta është një ekip që e njoh mirë.

Ndeshjet e fundit? Ekipi po prodhon. Gjithë puna është se duhet të presim. Ndeshje ka plot. Të vazhdojmë me të njëjtin ritëm. Çdo gjë besoj se do të shkojë mbarë në ndeshjet në vijim. E theksova që kundërshtari u bë me dy sulmues dhe i kërkova ekipit që të zbriste një linjë më poshtë. U munduam të ndërhyjmë, por nuk na shkoi për mbarë. Teuta me dy episode shënoi. Ne kishim momentet tona, rastet tona. Duhet të shënonim golin e dytë.

Pësimi i golit? Tre lojtarët e sulmit, ishin para. Sa i përket aksioneve, golat erdhën nga goditjet standarte. Është edhe pak çështje përqëndrimi. Te goli i dytë, nuk e kam të qartë fragmentin. Këtë do ta analizoj gjatë javës. Topat drejt portës sonë nuk ka pasur nga ekipi ynë kundërshtar”, tha ai.





Lajmet e fundit nga