E fundit!

12:57 Kosova & Bota

Tërmetet shkatërruese në Venezuelë/ Rritet numri i viktimave

Numri i viktimave nga tërmetet shkatërruese në Venezuelë k...

Ekskluzive/ Uzuni flet për CNA.al: Uroj të vazhdoj kështu, ja çfarë iu premtoj tifozëve të kombëtares

14 Tetor 2022, 23:07, Sport CNA

Ekskluzive/ Uzuni flet për CNA.al: Uroj të vazhdoj kështu, ja

Myrto Uzuni

Myrto Uzuni është futbollisti i momentit në La Liga 2 me ekipin e Granadës. Sulmuesi shqiptar ka marrë për dore skuadrën e tij, teksa në 9 ndeshje në kampionat ka arritur të realizojë 8 gola dhe 1 asist duke u shndërruar në lojtarin më të mirë të kampionatit momentalisht. Statistika të frikshme të 27-vjeçarit beratas, që po i magjeps të gjithë me klasin e tij.

Uzuni ishte protagonist absolut edhe në triumfin e mbrëmjes djeshme, që skuadra e tij Granada arriti ndaj Gijonit me rezultatin 5-0. Ai ka asistuar në golin e parë, teksa shënoi golin e dytë dhe të tretë.

Madje njëri nga golat ishte realizim fantastik nga ana e shqiptarit, që mrekulloi të pranishmit në stadium dhe jo vetëm me një gol në stilin "gërshërë". Sot, Myrto ka dhënë një deklaratë për CNA. al, ku ka treguar emocionet e përjetuara dhe ka dhënë gjithashtu edhe një mesazh për tifozët e kombëtares shqiptare, me të cilët është shumë i lidhur.

Golat me Granadën

"Po kaloj një formë mjaft të mirë. Jam shumë i lumtur për këtë ecuri dhe uroj të vazhdoj kështu me këto ritme. Golat më japin siguri dhe qetësi. Shpresoj të shënoj sa më shumë dhe në vazhdim."

Ndeshja me Arabinë Saudite

"Kam marrë ftesë nga Edi Reja për ndeshjen me Arabinë Saudite, por ngaqë kjo ndeshje nuk është në datat e FIFA-s, klubi nuk më lejon që të bashkohem me kombëtaren. Më vjen keq që do mungoj, pasi dëshiroja të isha në fushë."

Mesazhi për tifozët e kombëtares

"E di që janë të zhgënjyer momentalisht, por premtoj me shumë emocione në vazhdim për kombëtaren dhe uroj te jemi dhe me të fortë në grupin që ndodhemi për kualifikueset e Europianit. Pse jo dhe të kualifikohemi. Ne besojmë dhe do ta tentojmë." / CNA.al