E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Ka ekipe që kanë dalë kampion duke fituar 1-0”, Colella para Kastriotit: E përballojmë me mentalitetin e duhur

15 Tetor 2022, 12:50, Sport CNA

Partizani do të presë si vendas Kastriotin ditën e nesërme në Elbasan Arena në orën 17:45 për javën e 8-të të Abissnet Superiore. Fitorja me Vllazninë në Loro Boriçi ka rritur moralin në kampin e kuq dhe ndaj Kastriotit do të tentohet fitorja e rradhës për vazhdimësinë. Përpara ndeshjes, trajneri Colella ka folur për mediat në konferencë për shtyp.

Kastrioti – Kemi punuar mirë gjatë javës dhe fatmirësisht nuk kemi probleme. Kastrioti është një skuadër e organizuar dhe agresive, më ka lënë përshtypje të mirë. Duhet ta përballojmë me mentalitetin e duhur.

Gjendja ekipit – “Disa probleme të vogla ka kjo është normale, duke parë se skuadra stërvitet intensivisht pa asnjë pushim.”

Fitoret me një gol diferencë – “Një statistikë e vërtetë, kjo është diçka që nuk më intereson. Mund edhe të bëhet edhe më mirë. Kam parë skuadra që kanë fituar kampionate jo më shumë se 1-0. Ato që fitojnë me rezultate 3-0 apo 4-0 nuk arrijnë që të shkojnë deri në fund. Jam dakord me statistikat. Duhet të përmirësohemi në disa aspekte, mund të rritemi edhe më shumë.”

Loja e zhvilluar – “Kemi bërë 10 ndeshje dhe i kemi përballuar të gjithë kundërshtarët në mënyrën tonë. Shpehherë bëjmë ndonjë ndryshim të vogël, por mua më pëlqen që skuadra ta komandojnë lojën. Disa herë ndodhin disa herë jo. Me gjithë respektin për Kastriotin që është një skuadër mjaft e organizuar. Këto ndeshje janë më të vështira të trajnerit duke parë se është ndryshe ku përballesh me Tiranën në derbi dhe motivimi është shumë i madh në krahasim me ekipe të tjera duhet të bësh shumë kujdes për të bërë lojë dhe për të marrë tre pikët. Jam shumë i kënaqur me lojën e skuadrës në ndeshjen e Kupës me Orikun dhe do të kërkoja që ta bënim edhe ndaj Kastriotit.”

Vazhdimësia – “Nuk ka skuadra që ruajnë vazhdimësinë, kur ta arrijmë një gjë të tillë do ta them që jemi me të vërtetë një skuadër e fortë.”, përfundoi Colella