Bajrami jep asistin vendimtar, Empoli mund Interin në “San Siro” pas 19 vitesh (VIDEO)

23 Janar 2023, 22:43, Sport CNA

Empoli ka bërë surprizën e kësaj jave në Serinë A, teksa ka mposhtur në ”San Siro“ Interin. Zikaltërit vinin në këtë sfidë si fitues të Superkupës, por festën në fushë e kanë bërë miqtë me Nedim Bajramin protagonist.

INTER-EMPOLI 0-1
66′ Baldanzi

90’+5′ Mbyllet ndeshja me fitoren 1-0 të Empolit.

76’ Asllani bëhet menjëherë protagonist duke harkuar një goditje këndi te De Vraj, i cili godet traversën.

73′ Bajrami ndërkohë lë fushën e lojës, duke i bërë vend Facinit.

72’ Vjen edhe momenti i Asllanit, i cili aktivizohet në vend të Barela.

66’ GOOOL EMPOLI! Aksion i nisur nga Bajrami i cili pason për Baldanzin dhe ky i fundit nuk gabon duke mposhtur Onana.

57’ Aksion shumë i shpejtë i Empolit me Bajramin i cili nga e djathta tenton portën, por gjen grushtimin e Onana i cili shpëton katërkëndorin.

51’ Kambiagi niset në krahun e djathtë dhe pason në qendër për Kaputon, por ndërhyrja e Darmian është vendimtare dhe shmang një gol të sigurt.

45’+2′ Mbyllet në barazim pa gola pjesa e parë.

45’ Harkim në zonë nga e djathta, Kaputo gjuan në portë por gjen Onana me goditjen e tij qendrore me kokë.

45’ Bajrami provon portën me një goditje dënimi direkte në portë, Onana kontrollon sferën.

41′ Interi mbetet me 10 lojtarë, pasi Skrinjar ndëshkohet me kartonin e dytë të verdhë, duke dalë para kohe nga fusha e lojës.

38’ Dy tentativa radhazi të Lautaro Martinez, por nuk arrin të çojë topin deri në portën e Vikario, i bllokuar nga mbrojtësit.

20’ Harkim nga e djathta që gjen në shtyllën e dytë Dimarkon, i cili gjuan fluturimthi, por gjen përgjigjen e Vikario.

17’ Aksion tjetër i shpejtë i Empolit me Kaputon i cili shfaqet para portës, por një devijim çon sferën jashtë katërkëndorit.

11’ Top i gjatë në thellësi për Kambiagin, i cili gjuan në ecje e sipër, por gjen përgjigjen e Onana i cili devijon sferën.

1’ Nis dueli në “San Siro”

FORMACIONET TITULLARE
INTER (3-5-2): Onana; Skrinjar, De Vraj, Bastoni; Darmian, Barela, Çalhanollu, Mkhitarjan, Dimarko; Korrea, Lautaro.
Trajner: S. Inzagi

EMPOLI (4-3-2-1): Vikario; Stojanoviç, De Uinter, Luperto, Parisi; Akpa-Akpro, Henderson, Bandineli; Kambiagi, Bajrami; Kaputo.
Trajner: P. Zaneti