web counter
LEXO PA REKLAMA!

SHKARKO APP

App Store
Google Play

Vranësira shoqëruar me reshje/ Moti sot dhe nesër

2 Shkurt 2023, 07:53, Sociale CNA

Vranësira shoqëruar me reshje/ Moti sot dhe nesër

Vlerat e ulëta barike që dominojnë Ballkanin Perëndimor do të diktojnë kushtet atmosferike edhe në territorin shqiptar.

Parashikohet që përgjatë gjithë 24-orëshit të jemi në mbizotërimin e vranësirave të shpeshta, të cilat herë pas here do të pësojnë zhvillime, duke sjellë reshje të pakta shiu në ultësirën perëndimore.

Ndërsa në zonat malore do të ketë rishfaqje të flokëve të dëborës. Reshjet më të dukshme do të jenë në zonat Veriore dhe pjesërisht Qendrore, ndërsa bregdeti dhe një pjesë e mirë e Jugut të vendit do të jenë me kthjellime të pakta dhe vranësira të shpeshta.

Temperaturat e ajrit do të rritet lehtë në mëngjes, por do të ulen në mesditë duke u luhatur nga -4°C deri në 11°C.

Era do të fryjë e lehtë dhe mesatare me shpejtësi 30 km/h kryesisht nga drejtimi Verior duke sjellë në brigjet detare dallgëzim 2 ballë.

Moti, e premte, 3 shkurt 2023

Sipas MeteoAlb, pjesa e parë e ditës do të jetë nën ndikimin e vranësirave të shpeshta, të cilat do të zhvillohen përkohësisht duke sjellë reshje të pakta shiu dhe dëbore në territorin shqiptar.

Parashikohet që orët e mesditës dhe pasdites të sjellin përmirësim të dukshëm të kushteve atmosferike duke bërë që të kemi edhe intervale të gjata me kthjellime.

Por sërisht në orët e mbrëmjes dhe natës vonë vranësirat do të bëhen dominuese në pothuajse gjithë vendin tonë.

Temperaturat e ajrit do të rritet lehtë në mëngjes, por do të ulen në mesditë duke u luhatur nga -3°C deri në 10°C.

Era do të fryjë e lehtë dhe mesatare me shpejtësi 38 km/h nga Verior duke sjellë në brigjet detare dallgëzim 2 - 3 ballë./CNA.al





Lajmet e fundit nga