E fundit!

11:07 Aktualitet

Krimi zgjedhor dhe imuniteti i Ballukut/ Kreu i SPAK vendos pikat mb “i”: Pa prova nuk ngrihen akuza

Kreu i Prokurorisë së Posaçme, Klodjan Braho ka folur për ...

Variantet e reja të COVID-it/ Shenjat klinike dhe si mund të mbrojmë veten prej tyre

22 Qershor 2022, 22:02, Sociale Blerta BRATI

Variantet e reja të COVID-it/ Shenjat klinike dhe si mund të

Që kur u zbulua, COVID-i është mutuar ose ka ndryshuar formë. Versionet e reja gjenetike që vazhdojnë të shfaqen quhen variante.

Tashmë ka pasur disa variante të mëdha, si Alfa dhe Delta, të cilat kanë shkaktuar valë masive infeksioni.

Variantet e fundit për të cilat shqetësohen ekspertët - BA.4 dhe BA.5 - janë shumë afër variantit Omicron që shkaktoi valën e këtij dimri.

Ato u shtuan në listën e vëzhgimit të Organizatës Botërore të Shëndetësisë në mars dhe gjithashtu janë përcaktuar si variante shqetësuese në Europë.

Si u përhapën dhe ku?

Ata u panë në Afrikën e Jugut në fillim të këtij viti dhe tani duket se po përhapen shumë më shpejt se variantet e tjera.

Ata tani janë të pranishëm në shumicën e vendeve europiane dhe së shpejti duhet të zëvendësojnë llojet e tjera të COVID-it. Ky është tashmë rasti në Portugali, ku BA.5 është tani dominues.

Në Shtetet e Bashkuara, autoritetet thonë se po shohin një rritje të numrit të infeksioneve të shkaktuara nga dy nënvariantet e reja.

Infeksionet COVID në Mbretërinë e Bashkuar po tregojnë gjithashtu shenja të hershme të një rritjeje të mundshme, për shkak të BA.4 dhe BA.5.

Australia ka raportuar gjithashtu raste.

A do të jenë të dëmshme?

1.Ekspertët nuk e dinë se si, dhe sa do të preken vendet.

2.BA.4 dhe BA.5 Omicron besohet se nuk janë më vdekjeprurëse se llojet e tjera të COVID-it.

3.Shumë njerëz kanë fituar njëfarë imuniteti nga infeksionet dhe vaksinimet e mëparshme, gjë që ndihmon në bërjen e sëmundjes më pak të rrezikshme në përgjithësi.

4.Por nënvariantet më të reja duket se përhapen më lehtë.

5.Kjo shpjegohet pjesërisht me rënien e imunitetit, por edhe me mutacionet që ka pësuar virusi.

6.Shumë vende kanë hequr gjithashtu kufizimet e tyre për COVID-in, që do të thotë se njerëzit po përzihen/grumbullohen më shumë, duke i dhënë virusit një shans më të mirë për t'u përhapur.

7. BA.4 dhe BA.5 duket se janë në gjendje të infektojnë njerëzit edhe nëse së fundmi ata kanë pasur lloje të tjera të Omicron.

8. Një valë infeksionesh të reja mund të çojë në më shumë shtrime në spitale dhe disa vdekje të tjera.

Si mund ta mbrojmë veten prej tyre?

Ashtu si me variantet e tjera të COVIT-it, rreziku i sëmundjes serioze mbetet më i lartë për të moshuarit ose te grupet e riskut me probleme të rëndësishme shëndetësore.

Megjithëse vaksinat aktuale nuk janë një përshtatje e përsosur, ato janë ende linja më e mirë e mbrojtjes.

Shenjat klinike më të shpeshta në rast të infeksionit me variantet BA.4 dhe BA.5 janë:

1. Lodhja, kolla, ethet dhe dhimbja e kokës.

2. Për më tepër, "mundësia e paraqitjes së anosmisë [humbjes së nuhatjes] dhe ageuzisë [humbjes së shijes], por edhe nauze, të vjella dhe diarre është më e lartë për rastet e BA.4/BA.5 krahasuar me ato të BA.1".

3.Kohëzgjatja e shenjave klinike është mesatarisht 7 ditë për rastet BA.4 dhe BA.5 kundrejt 4 ditëve për rastet e tjera Omicron.

Sipas raportimeve të ekspertëve kemi:

Astenia (lodhja) në 72% të rasteve

Kollë (56% e rasteve)

Temperatura (56% e rasteve)

Rrjedhja e hundës (49% e rasteve)

Dhimbje koke (50% e rasteve)

Mialgji (ose dhimbje) në 39% të rasteve

Dhimbje të fytit (38% e rasteve)

Ndjenja e temperaturës (17% e rasteve)

Nauze dhe të vjella (17% e rasteve)

Humbja e shijes (16% e rasteve)