Moti bën kthesë/ Sinoptikanët parashikojnë ‘surpriza’ për nesër

16 Qershor 2022, 16:08, Sociale CNA
Moti bën kthesë/ Sinoptikanët parashikojnë
Foto ilustruese

Edhe për ditën e nesërme vendi ynë do të vijojë të jetë nën ndikimin e kushteve relativisht të qëndrueshme atmosferike.

Moti parashikohet me kthjellime si dhe alternime vranësirash kalimtare por të cilat do të jenë më të theksuara në zonën e veriut si dhe relievet malore në lindje.

Shërbimi Meteorologjik Ushatarak parashikon në këto zona vranësira hera-herës deri të dendura, shoqëruar me reshje shiu të herëpashershme me intensitet të ulët deri mesatar, në formën e shtrëngatave.

Lokalisht dhe në periudha afatshkurtra, reshjet pritet të jenë me intensitet mesatar dhe deri të lartë në formën e rrebesheve dhe stuhive shoqëruar me breshër dhe rrufe.

Era do të fryjë me drejtim veriperëndim - verilindje me shpejtësi mesatare 1-5m/sek. Përgjatë vijës bregdetare dhe nëpër lugina, era do të fryjë hera-herës me rrahje deri në 6-8m/sek me valëzim në dete të forcës 0-1 ballë.

Temperaturat parashikohen:

në zona malore 14 deri 27°C

në zona e ulëta 15 deri 34°C

në zona bregdetare 17 deri 32°C./ B.A. – CNA.al

Lajmet e fundit nga