web counter
LEXO PA REKLAMA!

SHKARKO APP

App Store
Google Play

Rriten temperaturat/ Vendi përfshihet nga masa ajrore të ngrohta

14 Shkurt 2023, 08:10, Sociale CNA

Rriten temperaturat/ Vendi përfshihet nga masa ajrore të ngrohta

Deri në orët e mesditë pothuajse i gjithë territori shqiptar do të jetë nën ndikimin e kthjellimeve, por në zonat malore do të ketë herë pas here kalime të pakta të vranësirave.

Parashikohet që në orët vijuese vranësirat gradualisht të bëhen më të dukshme në një pjesë të mirë të vendit tonë, ku më të fokusuara pritet që vranësirat të jenë në zonat Lindore, por nuk do të mund të gjenerojnë reshje.

Vija bregdetare edhe gjatë pjesës së dytë të ditës do të mbetet nën ndikimin e intervaleve të gjata me kthjellime.

Temperaturat e ajrit do të vijojnë të rriten lehtë në mëngjes, por mbeten konstante në mesditë duke u luhatur nga -4°C deri në 14°C.

Era do të fryjë e lehtë dhe mesatare me shpejtësi 35 km/h nga drejtimi veriperëndimor duke sjellë në brigjet detare dallgëzim mbi 2 ballë.

Moti, e mërkurë, 15 shkurt 2023

Sipas MeteoAlb, gradualisht vendi ynë pritet të përfshihet nga masat ajrore të ngrohta duke bërë që temperaturat e ajrit të jenë tipike të muajit shkurt përgjatë ditës së mërkurë.

Për sa u përket kushteve atmosferike do të vijojnë kthjellimet të jenë mbizotëruesen në pjesën më të madhe të ditës në pothuajse gjithë territorin.

Por pasditja do të sjellë kalime të pakta vranësirash, ku më të fokusuara do të jenë në zonat verilindore të Shqipërisë.

Temperaturat e ajrit do të mbeten konstante në mëngjes, por do të rriten lehtë në mesditë duke u luhatur nga -4°C deri në 15°C.

Era do të fryjë e lehtë dhe mesatare me shpejtësi 25 km/h kryesisht nga drejtimi perëndimor duke sjellë në brigjet detare dallgëzim 1 ballë./CNA.al





Lajmet e fundit nga