web counter
LEXO PA REKLAMA!

SHKARKO APP

App Store
Google Play

Rikthehen vranësirat/ Mbrëmja e së dielës me shi

25 Shkurt 2023, 08:01, Sociale CNA

Rikthehen vranësirat/ Mbrëmja e së dielës me shi

Pjesa e parë e ditës pritet të jetë me alternime kthjellimesh dhe vranësirash të shpeshta, ku më të dukshme kthjellimet do të jenë në ultësirën perëndimore. Ndërsa vraanësirat më të fokusuara do të jenë në zonat malore dhe në veri të Shqipërisë.

Parashikohet që orët vijuese të sjellin shtim gradual të vranësirave, të cilat më të theksuara do të jenë në veri të vendit tonë duke krijuar dhe mundësi për reshje të pakta shiu.  

Temperaturat e ajrit do të vijojnë të rriten në mëngjes dhe në mesditë duke u luhatur nga 4°C deri në 19°C.

Era do të fryjë mesatare dhe e fortë me shpejtësi 60 km/h nga drejtimi Jugor duke sjellë në brigjet detare dallgëzim 5 ballë.

Moti, e diel, 26 shkurt 2023

Sipas MeteoAlb, vendi ynë pritet që të dielën të përfshihet nga një front i pasur me lagështirë, duke bërë që deri në orët e mesditës të kemi vranësira të shpeshta në territor, të cilat do të krijojnë mundësi për reshje të pakta, kryesisht në zonat veriore.

Por gjatë paradites do të ketë dhe intervale me kthjellime.

Ndërsa pjesa e dytë e ditës do të sjellë shtim të vranësirave në vend, ku më të dukshme do të bëhen në orët e mbrëmjes dhe natës duke sjellë reshje shiu në të gjithë vendin tonë, pritet që në zona të izoluara në veriperëndim të Shqipërisë të ketë dhe rrebeshe afatshkurtra shiu.  

Temperaturat e ajrit do të mbeten konstante në mëngjes, por do të ulen lehtë në mesditë duke u luhatur nga 4°C deri në 18°C.

Era do të fryjë mesatare dhe e fortë në det me shpejtësi 55 km/h nga drejtimi jugor - jugperëndimor duke sjellë në brigjet detare dallgëzim 4 - 5 ballë./CNA.al





Lajmet e fundit nga