web counter
LEXO PA REKLAMA!

SHKARKO APP

App Store
Google Play

Temperaturat rriten ndjeshëm/ Pranvera troket më herët

21 Shkurt 2023, 07:58, Sociale CNA

Temperaturat rriten ndjeshëm/ Pranvera troket më herët

Masat ajrore të qëndrueshme dhe të ngrohta prezente, vijojnë të mbeten në Ballkanin Perëndimor duke bërë që të kemi në Shqipëri alternime kthjellimesh dhe vranësirash, ku pritet që kthjellimet të jenë më të dukshme në pjesën e parë të ditës.

Ndërsa vranësirat do të theksohen gradualisht pas orëve të mesditës në qytetet e zonës së ulët dhe në zonat malore, të cilat më të fokusuara do të jenë veri të territorit.

Por një pjesë e mirë e bregdetit do të jetë në dominimin e kthjellimeve në pjesën e dytë të ditës.      

Temperaturat e ajrit do të rriten në mëngjes dhe në mesditë duke u luhatur nga 2°C deri në 17°C.

Era do të fryjë e lehtë dhe mesatare me shpejtësi 38 km/h nga drejtimi veriperëndimor duke sjellë në brigjet detare dallgëzim 3 - 4 ballë.

Moti, e mërkurë, 22 shkurt 2023

Sipas MeteoAlb, prej disa ditësh i gjithë territori shqiptar ndodhet nën dominimin e motit të qëndrueshëm, ku edhe në orët e para të ditës së mërkurë do të kemi dominim të kthjellimeve në një pjesë të mirë të vendit tonë.

Por pritet që kryesisht pasditja të sjellë kalime të paktë vranësirash në zonat malore dhe në qytetet e zonës së ulët, por nuk do të sjellin reshje.

Ndërsa vija bregdetare do të vijojë të jetë në mbizotërimin e intervaleve të gjata me kthjellime përgjatë gjithë 24-orëshit.  

Temperaturat e ajrit do të ulen në mëngjes, por do të mbeten konstante dhe në mesditë duke u luhatur nga 1°C deri në 17°C.

Era do të fryjë e lehtë dhe mesatare me shpejtësi 30 km/h nga drejtimi verior duke sjellë në brigjet detare dallgëzim 2 ballë.





Lajmet e fundit nga