LEXO PA REKLAMA!

SHKARKO APP

Temperatura deri në 18°C/ Surprizat e motit për sot dhe nesër

19 Shkurt 2023, 08:09, Sociale CNA
Temperatura deri në 18°C/ Surprizat e motit për sot dhe nesër
Foto ilustruese

Pjesa e parë e ditës së sotme pritet të sjellë orë të shumta me diell në të gjithë territorin.

Duke filluar nga orët e pasdites dhe në vijim parashikohet që në vendin tonë të kemi shfaqje të vranësirave kalimtare, të cilat më të dukshme do të jenë përgjatë kufirit Lindor, por vranësirat nuk do mund të gjenerojnë reshje.

Nga ana tjetër, vija bregdetare do të mbetet përgjatë gjithë ditës në mbizotërimin e motit të kthjellët.

Temperaturat e ajrit do të rriten në mëngjes dhe në mesditë duke u luhatur nga 0°C deri në 18°C.

Era do të fryjë e lehtë dhe mesatare me shpejtësi 35 km/h nga drejtimi Jugor duke sjellë në brigjet detare dallgëzim 2 - 3 ballë.

Për sa i përket ditës së nesërme, MeteoAlb parashikon se vendi ynë do të vijojë të dominohet nga kushtet e qëndrueshme atmosferike, të cilat do të sjellin orë të shumta me diell gjatë paradites.

Vranësira mund të shfaqen në pjesën e dytë të ditës ditës duke bërë që në zona të izoluara në skajin Verilindor të ketë dhe momente të pakta me pika shiu. Por mbrëmja dhe nata do përmirësojnë motin.

Ndërsa zonat Jugore do të jenë në dominimin e kthjellimeve dhe kalimeve të pakta të vranësirave të cilat më të dukshme do të jenë në Juglindje të Shqipërisë.

Temperaturat e ajrit do të rriten në mëngjes, por do të ulen lehtë në mesditë, duke u luhatur nga 1°C deri në 17°C.

Era do të fryjë e lehtë dhe mesatare me shpejtësi 40 km/h nga drejtimi jugor-jugperëndimor duke sjellë në brigjet detare dallgëzim 4 ballë./ CNA.al

Lajmet e fundit nga