LEXO PA REKLAMA!

SHKARKO APP

Temperaturat rriten në 18 gradë, mes vranësirash/ Parashikimi i motit për sot dhe nesër

24 Shkurt 2023, 08:14, Sociale CNA

Temperaturat rriten në 18 gradë, mes vranësirash/ Parashikimi i

Shqipëria gjatë paradites në një pjesë të mirë të territorit do të jetë në dominimin e kthjellimeve, por gjithashtu në shtrirjen Lindore do të ketë kalime të përkohshme të vranësirave të pakta.

Parashikohet që në pjesën e dytë të ditës vranësirat gradualisht të shfaqen në të gjithë vendin tonë, ku pritet që më të dukshme të jenë në orët e mbrëmjes në zonat veriore.

Por vranësirat nuk do të mund të sjellin reshje.     

Temperaturat e ajrit do të rriten në mëngjes dhe në mesditë duke u luhatur nga 2°C deri në 18°C.

Era do të fryjë e lehtë dhe mesatare me shpejtësi 40 km/h nga drejtimi jugor duke sjellë në brigjet detare dallgëzim 3 ballë.

Moti, e shtunë, 25 shkurt 2023

Sipas MeteoAlb, pjesa e parë e ditës pritet të jetë me alternime kthjellimesh dhe vranësirash të shpeshta, ku më të dukshme kthjellimet do të jenë në ultësirën perëndimore.

Ndërsa vranësirat më të fokusuara do të jenë në zonat malore dhe në veri të Shqipërisë. Parashikohet që orët vijuese të sjelli shtim gradual të vranësirave, të cilat më të theksuara do të jenë në veri të vendit tonë duke krijuar dhe mundësi për reshje të pakta shiu.  

Temperaturat e ajrit do të vijojnë të rriten në mëngjes dhe në mesditë duke u luhatur nga 4°C deri në 19°C.

Era do të fryjë mesatare dhe e fortë me shpejtësi 60 km/h nga drejtimi jugor duke sjellë në brigjet detare dallgëzim 5 ballë./CNA.al

Lajmet e fundit nga