LEXO PA REKLAMA!

SHKARKO APP

Diamant i pazbuluar i varieteteve autoktone/ Vera shqiptare prezantohet në Japoni

24 Shkurt 2023, 11:36, Sociale CNA

Diamant i pazbuluar i varieteteve autoktone/ Vera shqiptare prezantohet në

Ministrja e Bujqësisë, Frida Krifca ka prezantuar disa lloje të verërave shqiptare në Japoni në një takim me Shoqatën Kombëtare të Somelierëve.

Me anë të një postimi në rrjete sociale, Krifca shkruan se bota po vlerëson cilësinë dhe varietetin e verës autoktone shqiptare.

Diamant i pazbuluar i varieteteve autoktone/ Vera shqiptare prezantohet në

“Sikurse konstatoi dhe revista prestigjoze e verës, Decanter, Shqipëria është diamant i pazbuluar i varieteteve autoktone. Me investimet në standartet e vreshtave dhe teknologjive të reja, rregullimin e kuadrit ligjor dhe të gjithë zhvillimet cilësore që kanë ndodhur në sektorin e verës shqiptare, sot jemi gati për ta prezantuar verën shqiptare gjerësisht në botë dhe këtë po bëjmë me fokus.

Organizuam me Shoqatën Kombëtare të Somelierëve të Japonisë, përfaqësues të prodhuesve tanë të verës, një degustim profesional mes dhjetra somelierëve profesionalë të etiketave të ndryshme të verës shqiptare. Më erdhi mjaft mirë që bota po vlerëson cilësinë dhe karakteristikat e territorit të verërave shqiptare, duke i hapur njëkohësisht rrugën eksportit të verës në tregun e madh japonez. Ndaj dhe aktivitete si ky do zhvillojmë dhe në tregje të tjera të rëndësishme e me potencial.

Bashkë për Bujqësinë

Bashkë për Shqipërinë”, shkruan Krifca./CNA.al

Lajmet e fundit nga