LEXO PA REKLAMA!

SHKARKO APP

Rihapen aplikimet për “Maturën Shtetërore 2024”

22 Prill 2024, 14:13, Sociale CNA

Rihapen aplikimet për “Maturën Shtetërore 2024”

Ministria e Arsimit ka bërë me dije ditën e sotme se janë rihapur aplikimet për “Maturën Shtetërore 2024”, për formularët A1 dhe A1Z për kandidatët e këtij viti.

Sipas Ministrisë, aplikimet do të kryhen nga data 22 prill-28 prill, nga ora 08:00-16:00, dhe ky do të jetë raundi i fundit me aplikime dhe modifikime të formularëve A1/A1Z, përpara zhvillimit të provimeve të Maturës Shtetërore 2024, sesioni i parë.

Njoftimi i Ministrisë:

Identifikohuni si qytetar në portalin e-Albania;
Zgjidhni shërbimin “Matura Shtetërore”;
Zgjidhni llojin e formularit të aplikimit (maturantët duhet të zgjedhin A1, ndërsa kandidatët A1Z) dhe plotësoni të gjithë të dhënat e nevojshme të kërkuara në formular;

Klikoni butonin “Dërgo” në fund të formularit;
Pasi përfundon me sukses aplikimin në portalin ëëë.e-albania.al, maturanti/kandidati paraqitet pranë shkollës për të përfunduar dhe konfirmuar aplikimin.

Për aplikimin me A1/A1Z, përgjigjja merret pasi përfundon procesi me konfirmimin dhe printimin e formularit në shkollë. Aplikimi me formularin A1/A1Z është i vlefshëm vetëm për Maturën Shtetërore të këtij viti shkollor, duke përfshirë edhe sesionin e dytë (vjeshtën)./ CNA

Lajmet e fundit nga