web counter
LEXO PA REKLAMA!

SHKARKO APP

App Store
Google Play

Psikoedukimi

17 Dhjetor 2023, 15:52, Sociale Lira Gjika

Psikoedukimi

Psikoedukimi është një term që gjithnjë e më shumë po përfshihet në fjalorin e profesionistëve që merren me shëndetin mendor, si mjekë, psikologë dhe mësues.

Ky term është përfshirë fuqishëm në fjalorin e specialistëve për të ndihmuar apo për të plotësuar trajtimin jo vetëm me medikamente por edhe me trajtimin psikoemocional për të trajtuar dhe suportuar sa më drejtë dhe me efikasitet fëmijët me sëmundje të rënda, gjithashtu fëmijët me aftësi ndryshe si ADHD, autizëm apo prapambetje mendore.

Psikoedukimi është ajo mënyrë edukimi, e cila fillon me sjelljen e të rriturit, me zgjedhjen, kontrollin e veprimeve dhe fjalëve të tyre. I rrituri pasi është njohur me sëmundjen apo vështirësinë e fëmijës, si mjeku, prindi po ashtu edukatorët dhe mësuesit përpiqen të jenë mbështetës dhe inkurajues në edukimin e fëmijës së sëmurë apo me vështirësi duke e ndihmuar që gradualisht të pranojë veten dhe rregullat që normalisht nuk arrin ti respektojë për shkak të vështirësi që i krijon gjëndja e tij.

Psikoedukimi ndihmon si të rriturin po ashtu edhe fëmijën pikërisht që të ruajnë komunikimin me njëri tjetrin. I rrituri shmang nervozizmin, etiketimin, padurimin dhe reagon kur është i qetë. Ndërsa fëmija, duke mos u ndjerë i fyer i etiketuar apo i përjashtuar dalngadalë e ka më të lehtë të përballojë situatën dhe ti bindet rregullit.

Psikoedukimi shmang përjashtimin e njeriut nga njeriu, të dy palët të mos jenë të huaj me njëri tjetrin. Të dy palët, fëmija i cili vuan nga sëmundje të rënda që privohet nga aktivitetet e përditshme po edhe fëmijët me aftësi ndryshe kanë nevojë për support të bazuar në edukim, pra në psikoedukim.

Sa më mirë t’i njohin të rriturit vështirësitë e fëmijëve me sëmundje të rënda dhe probleme të shëndetit mendor si prapambetja mendore, ADHD, autizmi, aq më ndihmues do të jenë për fëmijët dhe ata do të kenë rezultate më të qëndrueshme dhe nuk do të mbeten problem për familet dhe shoqërinë.





Lajmet e fundit nga