web counter
LEXO PA REKLAMA!

SHKARKO APP

App Store
Google Play

Prag-fundjave me temperatura deri në 30 gradë/ Nuk do të mungojnë reshjet e shiut

29 Korrik 2022, 08:11, Sociale CNA

Prag-fundjave me temperatura deri në 30 gradë/ Nuk do të

Territori shqiptar do të jetë në ndikimin e kushteve të qëndrueshme atmosferike, ku deri në mesditë orët me diell do të jenë të shumta në një pjesë të mirë të vendit tonë.

Ndërsa në orët në vijim do të ketë kalime të lehta të vranësirave në zonat malore dhe në zonën e ulët.

Bregdeti në pjesën më të madhe do të vijojë të jetë nën mbizotërimin e motit të kthjellët edhe pas mesdite. 

Temperaturat e ajrit do të ulen lehtë në mëngjes, por do të rriten në mesditë duke luhatur vlerat ditore nga 16°C deri në 36°C.

Era do të fryjë e lehtë dhe mesatare me shpejtësi 38 km/h nga drejtimi veriperëndimor duke sjellë dallgëzim mbi 2 ballë.

Ndërsa nesër me 30 korrik 2022, sipas MeteoAlb, pjesa e parë e ditës do të jetë në ndikimin e kthjellimeve dhe kalimeve të pakta të vranësirave të cilat më të fokusuara do të jenë përgjatë shtrirjes Lindore.

Ndërsa në pjesën e dytë të ditës parashikohet që vranësirat të bëhen më të dukshme në zonat malore dhe pjesërisht të ulëta, ku në skajin verior do të ketë momente të pakta me pika shiu.

Mbrëmja largon gradualisht vranësirat e shpeshta nga një pjesë e mirë e vendit.  

Temperaturat e ajrit do të rriten në mëngjes dhe në mesditë duke luhatur vlerat ditore nga 17°C deri në 38°C.

Era do të fryjë mesatarisht me shpejtësi 35 km/h nga drejtimi veriperëndimor duke krijuar në brigjet detare dallgëzim 2 ballë./CNA.al





Lajmet e fundit nga