Vranësira, reshje dhe rrufe/ Çfarë ka rezervuar moti për nesër

27 Korrik 2022, 16:03, Sociale CNA
Vranësira, reshje dhe rrufe/ Çfarë ka rezervuar moti për
Foto ilustruese

Për ditën e nesërme, vendi ynë do të ndikohet nga masa ajrore relativisht të lagështa dhe të qëndrueshme, ndikuar nga masat ajrore me origjinë veriperëndimore.

Në këtë mënyrë, moti parashikohet fillimisht i kthjellët si dhe alternime vranësirash kalimtare nga orët e mesditës deri ato të pasdites vonë. Përgjatë relieveve kodrinore – malore, në lindje vranësirat do të jenë hera-herës deri të dendura.

Përgjatë relieveve kodrinore – malore, në orët e nxehta të ditës (nga orët e mesditës deri ato të pasdites) vranësirat e dendura do të shoqërohen me reshje shiu të herëpashershme me intensitet të ulët. Në periudha afatshkurtra dhe në mënyrë të izoluar, këto reshje pritet të jenë me intensitet deri mesatar në formën e rrebesheve dhe stuhive, shoqëruar me breshër dhe rrufe.   

Sipas Shërbimit Meteorologjik Ushtarak, era do të fryjë me drejtim veriperëndim - verilindje me shpejtësi mesatare 1-6m/s, e cila përkohësisht në momentin e zhvillimit të vranësirave në relievet malore si dhe vijën bregdetare dhe lugina fiton shpejtësi deri në 10m/s. Valëzimi në dete parashikohet i forcës 1-2 ballë.

Temperaturat parashikohen:

në zona malore 19 deri 31°C;

në zona e ulëta 19 deri 35°C;

në zona bregdetare 19 deri 35°C./ B.A. – CNA.al

Lajmet e fundit nga