web counter
LEXO PA REKLAMA!

SHKARKO APP

App Store
Google Play

E fundit!

x

Vranësirat nuk i ulin temperaturat/ Shiut do t’i gëzohen vetëm vendet malore

28 Korrik 2022, 08:09, Sociale CNA

Vranësirat nuk i ulin temperaturat/ Shiut do t’i gëzohen

Vendi ynë mbetet në ndikimin e motit të kthjellët në pjesën më të madhe gjatë orëve të para të ditës.

Por parshikohet që pas mesdite vranësirat e pakta të shfaqen në të gjithë Shqipërinë, ku pritet që herë pas here të pësojnë zhvillime të përkohshme duke gjeneruar reshje shiu të izoluara në zonat malore dhe pjesërisht në ultësirën perëndimore do të ketë momente të pakta me pika shiu.

Ndërsa mbrëmja rikthen dominimin e kthjellimeve në një pjesë të mirë të territorit.  

Temperaturat e ajrit do të ulen lehtë në mëngjes dhe në mesditë duke luhatur vlerat ditore nga 17°C deri në 35°C.

Era do të fryjë mesatarisht me shpejtësi 45 km/h nga drejtimi veriperëndimor duke krijuar në brigjet detare dallgëzim mbi 3 ballë.

Ndërsa, nesër me 29 korrik 2022, sipas MeteoAlb, territori shqiptar do të jetë në ndikimin e kushteve të qëndrueshme atmosferike, ku deri në mesditë orët me diell do të jenë të shumta në një pjesë të mirë të vendit tonë.

Ndërsa në orët në vijim do të ketë kalime të lehta të vranësirave në zonat malore dhe në zonën e ulët. Bregdeti në pjesën më të madhe do të vijojë të jetë në mbizotërimin e motit të kthjellët dhe pas mesdite. 

Temperaturat e ajrit do të ulen lehtë në mëngjes, por do të rriten në mesditë duke luhatur vlerat ditore nga 16°C deri në 37°C.

Era do të fryjë e lehtë dhe mesatare me shpejtësi 38 km/h nga drejtimi veriperëndimor duke sjellë dallgëzim mbi 2 ballë./CNA.al





Lajmet e fundit nga