Njollat e bardha në lëkurë/ Shenjat e mungesës së vitaminave në organizëm

26 Prill 2024, 08:36, Shëndeti CNA

Njollat e bardha në lëkurë/ Shenjat e mungesës së

Foto ilustruese

Njollat e bardha në lëkurë ndryshe quhen Vitiligo. Ky problem shëndetësor shfaqet në çdo pjesë të trupit.

Një karakteristikë e këtyre njollave është se janë simetrike. Pra nëse këto njolla dalin në një pjesë të trupit, atëherë kanë për t’u shfaqur dhe në anën tjetër po njësoj.

Më poshtë do të mësoni nga AgroWeb.org shkaqet përse shfaqen dhe produktet që duhet të konsumoni për të marrë vitaminat e nevojshme në trup.

Shkaqet e shfaqjes së njollave në lëkurë

Shkaku kryesor i shfaqjes së këtyre njollave është mosfunksionimi i duhur i melaninës.

Sipas të dhënave të AgroWeb.org, qelizat e lëkurës nuk arrijnë të prodhojnë melaninën dhe si pasojë në atë zonë shfaqet një zonë më e bardhë se pigmenti tjetër i lëkurës. Këto zona janë shumë të ndjeshme ndaj diellit, pasi nuk kanë nivelin e duhur të melaninës për t’u mbrojtur.

Gjithashtu konsiderohet si një sëmundje e imunitetit, ku trupi formon antitrupa që luftojnë vetë qelizat e lëkurës që prodhojnë melaninën.

Ndaj dhe formohen zona të bardha në lëkurë. Shkaku më i përhapur i njollave të bardha është mungesa e vitaminës B12, gjë që shkakton aneminë dhe ndjeshmërinë ndaj rrezeve të diellit.

Trajtimet dhe produktet që duhet të konsumoni

Nëse ju merrni sasinë e duhur të vitaminave B, atëherë ju eliminoni probleme si mostretja, si dhe reduktoni njollat e bardha në lëkurë.

Ushqimet e pasura me këtë vitaminë janë të shumta, dhe mund të përfshihen lehtësisht në dietën tuaj. Vezët, frutat e thata, bizelet, brokoli etj., janë disa nga ushqimet me përqindjen më të lartë të vitaminave B. Stresi është një armik i organizmit, nëse ju e ulni nivelin e tij, trupi juaj do të fillojë të funksionojë në mënyrën e duhur.

Ushqimet e pasura me Omega-3 ndihmojnë në uljen e niveleve të stresit, duke ulur përhapjen e njollave të bardha. Një arsye tjetër e shfaqjes së njollave të bardha është tretja e keqe.

Duke stabilizuar aciditetin e stomakut përmes ushqimeve si spinaqi, ullinjtë e zinj, limoni, ju arrini të normalizoni tretjen e si pasojë shfaqjen e njollave të bardha.

Fiqtë dhe arrat janë ushqimet kryesore në zhdukjen e njollave të bardha. Prandaj AgroWeb.org ju këshillon që këto dy fruta t’i konsumoni sa më shpesh. Një kurë tjetër natyrore për të eliminuar njollat e bardha, është lëngu i kastravecit me xhinxher. Nëse ju e konsumoni për tri javë, do të shikoni menjëherë rezultat.

Reduktoni ekspozimin ndaj diellit

Rrezet e forta të diellit janë një rrezik që kushdo duhet të mbrohet gjatë stinës së verës. Personat që kanë njolla të bardha duhet të mundohen që t’i ekspozojnë sa më pak në diell.

Përdorimi i kremrave mbrojtës është një detyrim, që këto njolla të mos përkeqësojnë shëndetin e lëkurës, duke shkaktuar dhe sëmundje më të rënda./AgroWeb.org